عشق الرجال الجزء الرابع

عاد من ذكرياته على صوت شهقه عاليه منها وهى نائمه دلف إلى الحمام وبعد عدة دقائق أخرى خرج وارتدى ملابسه وجلس بجانبها على السرير ينتظرها أن تستيقظ

••••••••••••••••••••••••••••••••••••••••••••••••

دلف تمام غرفة جده بعد أن أطمئن على والده و والدته رغم أنه لم يجدهم بخير بأى شكل ولم يطمئن أيضاً

جلس بجانب جده بعد أن قبل يده

لينظر عمران إلى حفيده بشفقه ثم قال

– انكسر ظهرنا يا تمام الوجع جامد يا ابنى

تنهد تمام وهو يقول

– عارف يا جدى يوم ما الدكتور حسن مات أنا كنت شايف حالة جدى نعمان وكنت حاسس بحزنه بس متخيلتش ألمه ولما عمى منصور مات حسيت بالصدمه والشفقه على شخص خسر اتنين من ولاده فى حياته لكن دلوقتى شايف أن الراجل ده جبل أنه يستحمل كل ده أنا حاسس بوجع جامد اوووى فى قلبى يا جدى اووووى

ظل عمران صامت لبعض الوقت ثم قال

– محدش بيتكوى من النار غير إللى ماسكها بأيده ومحدش بيحس بالوجع غير إللى جربه

هز تمام رأسه بنعم ثم قال

– ربنا يصبرنا ويصبره … صحيح يا جدى الوزاره عايزين يعملوا حفله تأبين لحمزه وعايزين حد مننا يحضر

نظر عمران لحفيده طويلاً وهو صامت تماما ثم قال بضعف

– لو عايز تروح أنت روح أحنى لسه مفهمناش هو مات إزاى و لينا تار ولا لأ

••••••••••••••••••••••••••••••••••••••••••••••••

كانت عبله تجلس على الأريكة الكبيرة المواجه لسرير ابنتها الغائبة عن الوعى منذ أمس ولكن من وقت لآخر تصرخ بأسم حمزه تبكى بصوت عالى ينتفض جسدها بشكل عصبى وتهزى بكلمات غير مفهومه دلف عامر من باب الغرفه ألقى نظره على أخته الغائبه عن الوعى وقبل رأسها ثم جلس بجانب أمه وأمسك يدها وقبلها وهو يقول

– أمى السواق تحت روحى البيت ارتاحى أنا وبابا هنا ومش هنسيبها متخافيش

نظرت إليه بحزن وهزت رأسها بنعم ثم وقفت على قدميها وهى تقول

– جدك وعمك ومرات عمك عاملين أيه

اخفض عامر رأسه بحزن وهو يقول

– أصعب مما تتخيلى

أخذت نفس عميق ثم قالت

– الله يرحمك يا حمزه ويصبر قلوبنا على فراقك

كان عامر يغمض عينيه حتى لا يبكى فحمزه ليس فقط ابن عمه وزوج أخته أنه درع الحماية الذى لم يفارقه يوما وعلى أثر وجوده كان عامر يشعر بالقوه والأمان والعائله اجمع