عشق الرجال الجزء الرابع

ثم أخذ نفس عميق حتى يهدء من دقات قلبه المتسارعة ثم اقترب منها بهدوء و قال

– مدام علياء أنا دكتور أكرم الحسينى وفى الحقيقه سيادة الرائد الله يرحمه كان جالى لأنه كان تعب جداً من الحاله إللى كنتوا فيها وكان عايز حد يساعده يلاقى حل علشانك و علشانه

كانت دموع عينيها هى فقط ما يجعله يتأكد أنها تسمعه وأيضاً حركة عينيها المتوتره

اقترب أكثر منها وقال

– أنا معايا رساله ليكى من حمزه لو عايزه تعرفيها لازم تهدى وترجعى علياء بتاعة زمان

وكاد أن يغادر حين شعر بحركة يدها تحاول إمساك يده فنظر إليها لتقول بصوت ضعيف

– ساعدنى

ليبتسم إبتسامه صغيره وهو يقول

– أنا فى خدمتك .

••••••••••••••••••••••••••••••••••••••

كان خالد يقف أمام شاهد قبر حمزه ينظر إليه بحزن وضع يده على القبر وقال

– متقلقش يا حمزه ما تخفش حقك هجيبه حتى لو إللى أسمه سعد ده مات رامز لسه موجود

واغمض عينيه بألم وهو يتذكر ما اكتشفه

الفصل الثامن والثلاثون

عاد تمام إلى البيت بعد أن أوصل ورد إلى بيت الوريدى ورغم أن قلبه يتألم لفراقها وخروجها من منزلها من أجل خاطر أمه لكنه أنتبه من كلماتها لتلك المشكلة التى لابد أن يقوم بحلها من أساسها حتى يرتاح الجميع

وقف فى وسط البهو يفكر عليه أن يبدء من الأن

صعد إلى غرفة جده وطرقها ودلف بعد أن سمع صوت جده يسمح له بالدخول

أبتسم حين و قعت عينيه على جده الذى يجلس فى منتصف السرير يقرأ فى المصحف الشريف جلس أمامه و أطرق برأسه أرضاً ليقول عمران

– حمد الله على سلامتك يا ابنى رجعت أمتى

نظر إليه تمام بحزن وقال

– من شويه

– وعملت أيه هناك فهمت حاجه

قص تمام كل ما حدث وعلمه ثم قال

– حمزه مات وهو رافع راسه و راسنا يا جدى

أبتسم عمران رغم الدموع التى تجمعت فى عينيه وبعد عدة دقائق قال

– طيب واتأخرت عليا ليه يا ابنى

صمت تمام قليلاً ثم قال

– أنا آسف يا جدى بس كنت بوصل ورد بيت الوريدى

هز عمران رأسه بنعم وقال

– إللى أمك عملته مش سهل والبنت بصراحه بنت أصول استنتك لما رجعت

نظر تمام إلى جده وقال

– بس كده مش صح يا جدى أنا لازم ألاقى حل أنا عارف ومقدر حالة أمى النفسيه بس ورد ملهاش ذنب ومش هبقل أنها تتهان يا جدى حتى لو من أمى خصوصاً وهى مغلطتش فى حد ولا عملت حاجه