عشق الرجال الجزء الرابع

– لو تعرف أنا ضحيت بأيه علشان خاطرك تعملى تمثال والله

جلس حمزه وهو ينظر إليه بضيق مصاحب باستخفاف وقال

– أقسم بالله لو أعرف دكتور غيرك مكنت بصيت فى وشك تانى ده غير بقى أنى هكدر رحيم على إللى عملوا فيا

أبتسم الطبيب إبتسامه صغيره واعتدل فى جلسته ينظر إلى حمزه بتركيز وقال

– أنا سامعك قول كل إللى جواك

ظل حمزه صامت ينظر إلى الطبيب بألم وهم بأكتاف مثقله وحمل ثقيل فوق ظهره استشعره أكرم وأشفق عليه بشده

أراح حمزه جسده فوق الأريكة …. تمدد ينظر إلى السقف وقال

– الموت صعب أنا مش بخاف من الموت بالعكس أنا فتحله صدرى ومرحب بيه فى أى وقت لكن أنك تشوف موت حد تعرفه حتى لو علاقه سطحيه وبأبشع الطرق شىء مؤلم جدا

صمت قليلاً ينظر إلى السقف وعقله يحاول إيجاد الكلمات المناسبة

وكان أكرم يستمع إليه وهو يشعر بكل كلمه تطرق أبواب حزنه وذكرياته لرحيل أغلى الناس على قلبه

أكمل حمزه دون الإنتباه إلى أى شىء

– أنا حاسس أنى بقى عندى سبعين سنه هموم كتير وقلبى على طول واجعنى …. تعرف أن بقالى أكتر من شهر مشفتهاش وحشتنى اوووى

– مراتك

نظر إليه مقطب الجبين ثم هز رأسه بنعم وأكمل قائلاً

– بحس أنى مش راجل حقيقى لما أكتشف أنها وحشانى … ويظهر غضب …. غضب كبير وإحساس بأنى محتاج احسسها بالنار إللى جوه قلبى و الحصره إللى حستها وقت أكتشفت كل إللى حصل

– تابت

قالها أكرم مقاطعاً سيل كلماته وأيضا محول فكره لنقطه أخرى

نظر إليه حمزه وهو مقطب الجبين وظل صامت لبعض الوقت

– يمكن هى دى أكتر حاجه محيرانى ومخوفانى ومش عارف أفسر احساسى أنا بشر مش آله يمكن يكون ربنا سامحها بس أنا مش قادر

– مش قادر ولا مش عايز

قالها أكرم بهدوء حذر ليعتدل حمزه ينظر بشر ثم وقف وقال

– أنا ماشى

أبتسم أكرم ثم قال

– أنت حاسس أنك السبب فى إللى حصل وأنك أهملتها

وعلشان كده دورت على الاهتمام بره

تجمد حمزه مكانه ينظر إلى الباب أمامه بصدمه وظل أكرم ينظر إليه يريد أن يرى ردة فعله ولكن حمزه فتح الباب وغادر الغرفة وأغلق الباب بقوه

ليلوى أكرم فمه بحزن ثم وقف على قدميه وغادر هو الآخر

••••••••••••••••••••••••••••••••••••••••••••••

حين دلف رحيم ومسك إلى البيت توجهت مسك مباشراً إلى غرفتها ليوقفها صوت رحيم حين قال