عشق الرجال الجزء الثالث

– أرجوكى متخبيش عينك عنى …أنا مصدقت أنى بقى ليا كل الحقوق فيكى ليا حق أبص فى عينك وأبقا أنا إللى ساكنها ليا حق ألمسك ليا حق أضمك يوم ما تفرحى أكون أنا سبب سعاتك يوم ما تزعلى حضنى يكون المكان الوحيد إللى تلجائيله

كانت تستمع إليه والدموع تأخذ مجراها من عيونها إلى وجنتها ليمد يده يمسح تلك الدمعات وعلى وجه إبتسامه هادئه مريحه لتحاول هى تغير الموضوع قائله

– أيدك مش هتغسلها

ليضحك بصوت عالى ثم قال

– أنت منستيش

لتهز رأسها بلا ليقول هو بمشاغبه

– طيب هقوم أغسلها بس توعدينى

– أوعدك بأيه !؟

صمت لعدة ثوانى يشاغبها بعينه ثم قال

– لما أرجع تفضلى قاعده فى حضنى وتنامى كمان فى حضنى

أغمضت عينيها بخجل ليقول هو بمهادنه

– أنا أتفقت معاكى …..متخافيش أنا عايزك تتعودى على وجودى فى حياتك … عايزك تطمنى أنا هنا علشانك

لتهز رأسها بنعم ليبتسم وغمز لها وهو يقول

– ها توعدينى

لتهز رأسها من جديد ليقبل جبينها ثم قال

– أنت كمان بقيتى محتاجه تغسلى وشك

عادت من أفكارها وهى تبتسم على مشاغباته وتلك القصة الغريبه التى أراد بشده أن يقصها عليها

– أفتكرتى القصه وعلشان كده بتضحكى

لترفع عينيها إلى عينيه وهزت رأسها بنعم ليضحك و هو يضع ذراعه أسفل رأسه وقال

– أنا عارف أنها قصه فاشله بس أنا حبيت أعمل معاكى زى أبطال المسلسلات التركى

لتضحك بصوت عالى وهى تخبئ وجهها فى صدره ليكمل هو بكل براءه ويده الأخرى تلاعب خصلات شعرها

– فاكره الممثل الملزق ده إللى كان ديما يبوس البطله من منخرها

لتعلوا ضحكاتها من جديد ليكمل هو وكأن ما يقوله شىء مهم ويستحق الدراسة

– أيوه يعنى أشمعنى من منخرها ما خدها موجود جبينها ليه المنخير يعنى

لترفع رأسها وهى تقول بحيره

– أنت الموضوع ده شغلك أوى كده ليه

لينظر إليها بأهتمام شديد وأجابها بجديه

– أصلى نفسى أجربها

وأقترب منها دون سابق إنذار وقبل مقدمه أنفها لتشهق بصوت عالى ليقطب جبينه وهو يقول

– لا أنت الواحد يبوسك وأنت نايمه أسهل

لترفع نفسها على ذراعيها تنظر إليه بحاجب مرفوع وقالت

– أنت قولت أيه

ليضحك بصوت عالى وهو يقول بجديه وسهوله

– أبدا أنت روحتى فى النوم وأنا كنت صاحى لوحدى زهقان فكنت بتسلى

لتشهق من جديد ليضحك بصوت عالى وهو يقول