عشق الرجال الجزء الثالث

– صباحيه مباركه يا عروسه

رفعت حاجبها بتكبر وقالت

– صباحيه مباركه يا عريس

ليضحك بصوت عالى وهو يعتدل فى جلسته وسحبها ليضمها إلى صدره وهو يقول

– نفسى تريحى نفسك من العند شويه أحنى فى شهر العسل يا حور خلينا نتبسط أننا أخيراً مع بعض أهدى شويه و بلاش عند أبوس أيدك

كانت تشعر من داخلها برغبتها القويه فى تنفيذ ما يقوله ولكنها قالت

– ماشى بس أنا إللى هقرر هنقضى شهر العسل إزاى

لينظر إليها بأندهاش وظل صامت لبعض الوقت حتى شعرت هى بالتوتر والقلق ولكنه قال

– ماشى يا حور بس على فكره مش معنى أنك أنت إللى هتقررى نخرج فين فى شهر العسل ده معناه قوه منك أو ضعف منى بس أنا بجد محتاج هدنه محتاج أحس بالهدوء

ظلت صامته تنظر إليه ثم وضعت رأسها على صدره من جديد وهى تهز رأسها بنعم ليغمض عينيه وهو يحاول حقاََ أن يأخذ بعض الوقت لنفسه بهدوء دون أى ضغوط ويتمنى أن يحدث ذلك

•••••••••••••••••••••••••••••••••••••••••

كان يقف فى الخارج يتنظر خروج الطبيب من غرفتها أو أحد يطمئنه على الصغيره وكان أيضاً يفكر فى حسناء التى لم تجيب على أى أتصال من أتصالاته

خرج الطبيب بوجه لا يفسر ليقترب منه راشد

– خير يا دكتور

صمت الطبيب لعدة ثوانى ثم قال

– للأسف المرض فى مراحله الأخيرة … مفيش أى أمل كمان مفيش أى علاج هينفع فى حالتها كله هيبقى مسكنات علشان تقدر تتحمل الألم

صدمه ما أصابه الأن صدمه كلامها حقيقى هل أيضاً سيكون حقيقى فيما يخص الطفلة أخذ نفس عميق ثم قال

– هو ممكن يعنى البنت تكون خدت المرض ده من أمها

تنهد الطبيب وهو يقول

– أنا سألتها وهى قالت أن المرض جالها بعد ما ولدت علشان سوء التغذيه وكمان عدم الأهتمام الصحى بعد الولاده فالبنت ملهاش علاقه خالص بالموضوع

أغمض راشد عينيه بإرهاق ليكمل الطبيب كلماته قائلا

– مدام نانسى لازم تفضل فى المستشفى علشان تكون تحت الملاحظة طول الوقت

هز راشد رأسه بنعم و تحرك ليطمئن أيضاً على الصغيره ويصل لقرار بماذا سيفعل فى القادم

وقف أمام غرفة طبيبة الأطفال ينتظر خروجها وبالفعل لم تتأخر لتبتسم حين خرجت إليه إبتسامه مهزوزه وهى تقول

— البنت عندها ضعف شديد من قلة التغذيه … ده غير كمان أن جسمها كان فى جروح كتير من عدم النظافة لكن كل الحاجات دى أن شاء الله هتتحل بس لازم البنت تفضل تحت الملاحظة طول الأربعة وعشرين ساعه ولفتره حقيقى مش عارفه هتفضل قد أيه