عشق الرجال الجزء الثالث

الأن هو أنسب وقت لتنفيذ خطته فحمزه منشغل الأن بعروسه ومؤكد تلك الفتاه ليس عليها الحراسة التى تقلق

لذلك أستدعى مساعده حتى يضع معه الخطة حتى تكون تحت يده ولكن عليه أولا أن يعاقبه على ما يقوم به مع تلك المرأة

فهو لا يفهم ما علاقه تلك المرأة بعملهم مع عائله الوريدى

حين دلف سعد من الباب بعد أن طرقه عدة مرات دون إجابه نظر إليه غيث تلك النظرة التى تجعل سعد يشعر بعظامه ترتعش خوفاً

أقترب من المكتب ووقف أمامه صامت ينتظر كلمات سيده الذى لم يدم صمته كثيراََ وقال وهو يجلس خلف مكتبه

– أيه حكايه عفاف

لوى سعد فمه بضيق أن سيده يعلم كل شىء لا يستطيع إخفاء شىء عنه وعليه أيضاً أن يكون صريح وإلا العواقب ستكون وخيمه أحنى رأسه وقال

– دى البنت إللى كنت بحبها وأبوها رفضنى ولما كنت خلاص جمعت الفلوس إللى هو كان عايزها علشان يجوزهالى لقيتها اتجوزت منصور الوريدى

ظل غيث ينظر إليه بصمت قاتل ثم قال ببرود

– ولما هى البنت إللى أنت بتحبها بتعمل فيها كده ليه

أخفض سعد رأسه وهو يقول

– باعت حبى علشان فلوس منصور وكان لازم أخد حقى منها ومنه

وقف غيث على قدميه وتحرك من خلف مكتبه ليقف أمام سعد مباشرة وقال

– خلص الحوار ده معاك يومين علشان عايزين نخلص من موضوع دكتور حسن

حرك سعد رأسه بنعم ثم غادر سريعاً

ليعود غيث يقف خلف النافذه ينظر إلى الشارع الكبير وهو يتذكر بعض من كلمات والده

حين أكمل حديثه عن أنضمامه للمافيا وقتله لصديقه

– عرض اندورا كان مغرى جدا فلوس من غير حساب شركتى هتحصل على الصفقات بدون تعب منى أى خساره هتتعرض ليها الشركة هما هيغطوها بس بشرط أنى اقتل حسان

قطب غيث حاجبيه باستفهام ليجيبه على سؤاله الغير منطوق

– حسان أخو رحمه وأبن عم رضا صاحبى ….وافقت فى الأساس حسان ده هو السبب فى كل إللى حصل هو إللى خلا أبو رحمه يرفضنى وفى اليوم إلى كنت عايز أنفذ فيه نزلت البلد من غير ما أعرف أى حد وفضلت مراقب حركات حسان لحظه بلحظه ولما خلاص بقى فى مكان فاضى ولوحده ظهر رضا من العدم نزلت أيدى وكنت هلغى أى حاجه فى اليوم ده لكن رضا ساعتها قال (( هتفضل مقاطع أختك مش ناوى تيجى تباركلها على البنوته القمر إلى ربنا رزقنا بيها )) ساعتها حسيت بنار … نار جوه قلبى نار لو خرجت من صدرى هتولع فى البلد كلها وحسان ساعتها كمل عليا لما قال (( وهو أنا كنت باركتلها على الولد علشان أباركلها على البنت أنت وهى أنا شلتكم من حسباتى )) محستش بنفسى وأنا برفع أيدى وبضرب النار فى نص صدر رضا …. رضا إللى عاش مع حبيبتى كل إللى المفروض أنا أعيشه الولاد دول كانوا المفروض يكونوا ولادى أنا هو عاش الحياه إللى كان لازم أعيشها وعلشان كده كان لازم أنا إللى اخذها منه