زوجتي العمياء الجزء الثاني

ظل مازن يرن الجرس حتى استسلمت فرح وفتحت الباب وهى تهتف بحنق

فرح:إيه الصدع إللى أنت عامله ترن ترن ترن إيه هنطير ولا هنهرب

كانت تقوم بحركات غريبه بيدها مما جعل مازن يضحك بقوه

مازن بضحك:ههههههههه من ناحية هتهربى فدى ابصم بالعشرة إنك تعمليها ده أنا قابلتك مرتين
وفى المرتين هربتى برضوا

فرح بتوتر:ممكن أعرف بقى أنت هنا عايز إيه وأيه إللى جابك هنا بالظبط

مازن:هكون جاى ليه يا فروحه يعنى جاى اشوفك يا
جميل أنت يلا بقى مش هتدخلينى وتعزمينى على حاجة

فرح وهى تضيق حاجبيها:إيه فروحه وجميل دى أنت هتصحبنى ويلا اتفضل أمشى إحنا ماعناش
راجل فى البيت يا أستاذ مازن

مازن:تؤتؤتؤتؤ عيب كده يا فرح دى مش أخلاق معقوله بتطردينى وبعدين بيت إيه إللى مفهوش
راجل أمال أنتى بتعملى إيه

فرح بصدمه وهى تشير لنفسها:بقى أنا راجل يا عديم النظر والذوق وبعد كلامك ده مش هتدخل
أبدا لأن إحنا ستات ومفيش حد معانا

مازن :آمال عم عبده الطباخ ومراته بيعملوا إيه ده غيرك أنت يا فرج

بعد كلماته الساخره تلك فقدت فرح صوابها تماماً وحاولت تهدئة نفسها

فرح بحدة:أهدى يا فرح أهدى خالص ولا كأنك سمعتى حاجة خالص بصى عدى من واحد لعاشره
زى ما اتعودتى واحد اتنين تلاته لا لا مش عارفه أهدى

كان مازن يتابع الموقف وهو لا يستطيع أن يمسك نفسه وانطلقت ضحكه عاليه منه جعلت غضب فرح
يصل عنان السماء

مازن بضحك :هههههه مش معقول ده أنتى مصيبه ههههههه ده إللى يقعد معاكى ما يبطلش ضحك

فرح بغيظ:لأ ما بدهاش بقى

أمسكت فرح فى تلابيبه وضربته برأسها على رأسه فيما يعرف بالروسيه مما جعل مازن يصدم ولكن لم يكد يستفق من الصدمه حتى كيلت له اللكمات والضربات القويه بقدمها فيما يعرف أيضآ بالشلوط

مازن بتألم:اه يا بنت الهبله إيه الغباء ده وربنا لأوريكى

امسكهت مازن من شعرها يحاول يبعدها عنه ولكنها كانت متشبسه به بقوة وتضربه بكثره فى
كل مكان بجسده

فرح بعصبيه:بقى أنا راجل يا عديم الذوق والأخلاق اظاهر أن أهلك معرفوش يربوك ياصايع ياضايع
أنت وكمان بتقولى يا فرج وربنا لأوريك هخليهم ما
يعرفوش يجمعوك

ظلت فرح تضرب مازن بقدمها ومازن يمسك شعرها حتى يبعدها لكنها ظلت تكيل له الضرب بقدمها حتى أتت ضربتها الاخيره فكانت القاضية
بالنسبة لمازن الذى صرخ بقوه فقد أتت الضربه
قويه جداً اما فرح ما أن علمت أين أتت ركلتها حتى
دخلت إلى الفيلا وأغلقت الباب فى وجهه بسرعة