زوجتي العمياء الجزء الثاني

مهاب:لأ يا عم ده واحد صاحب أبوك حاجة كده تقيله فى الدخلية حاجة كده زى مساعد وزير أنا هموت وأعرف إزاى صاحب أبوك ومتعرفوش

جاسر :مش لازم أكون أعرف كل صحاب أبويا يا مهاب بس طالما أنت عارفه خليه يكثف البحث
عشان أنا خلاص مش هقدر أبعد عنها أكتر من
كده أنت فاهمنى

مهاب بسخريه:فاهم فاهم إللى يشوفك وأنت هتموت وتلاقيها ما يقولش إنك كنت ما بطيقش
سيرتها ولا حتى تبص فى وشها ودلوقتى مش قادر
على بعدها براكاتك يا ست مريم

جاسر بغيره:أنت يالا اسم مراتى ما يجيش على لسانك تانى وإلا والله ما أعرفك تانى يلا سلام

أغلق جاسر الخط مع مهاب توجه جاسر ناحية غرفة
الطعام حرك الكرسى وجلس على رأس الطاولة بينما تضع الخادمة الطعام على السفرة فسألته
سعاد إذا كان يرغب بشئ آخر

سعاد:تأمر بحاجة تانية يا جاسر بيه

جاسر:لا يا سعاد روحى أنتى

شرع جاسر فى تناول الطعام وهو لا يعلم ما به من سموم بينما كانت هناك عيون تراقبه بشر منتظره
حدوث مبتغاها ومع ثالث معلقه وضع جاسر يده على رقبته وبدأ يسعل حتى خرجت الدماء من فمه
صرخ مره واحده بأسم مريم ثم استكان تماماً فقد بدأ مفعول السم يعمل وبدأ الموت يتمكن منه

الحلقة 16

بعد أن اكل جاسر عدة ملاعق قليلة من الطعام المسم بدأ تنفسه يبطئ تدريجياً حتى شعر بضيق التنفس ونظراته تزوغ إلى أن شعر بال دوار يتمكن منه فنهض من على مقعده وهو يتسند على الكراسى لكى يخرج من غرفة الطعام ولكن خرجت الدماء من فمه فشعر ان النهاية قد حانت كان كل ذلك يحدث تحت نظرات كاميليا الخبيثه والشامته به والتى أقتربت منه وتحدثت إليه

كاميليا بخبث:شوف يا جاسر انت فين وانا بقيت فين أنت بتصارع الموت وهتموت برضوا وأنا هعيش
وهتمتع بحياتى وفلوسك عارف ليه عشان أنا ديماً كنت الأقوى والاذكى لأن ده قانون العالم الأقوى هو
إللى بيعيش ويحكم أما الضعيف هو إللى بيموت زيك كده

كان جاسر يستمع لحديثها ويخزنه بعقله لكنه لم يعبئ لها ويرد عليها وكل ما فى باله الأن هو مريم
التى يريد أن يراها الأن لأخر مره فصرخ بأسمها
عاليا حتى غاب عن عالمنا تماماً

جاسر بصياح:مريم.. مريم

فركضت كاميليا بمجرد ان صرخ جاسر وأختبأت بعيدا فصوت جاسر كان عالى للغاية فخشيت
ان يراها أحد معه وهو بهذه الحاله فتتحول اصبع
الاتهام نحوها أتت سعاد إثر صوت جاسر العالى
الذى ينادى بأسم مريم ولكن صدمت عندما وجدته فى تلك الحاله فاقد الوعى والدماء تحيط بفمه فأقتربت منه تحاول افاقته ولكنه لا يستجيب لها أبدا