زواج من اجل ذنب الجزء الأول نيفين عبدالسلام

الحلقة١١
وبعد ماسليم طرد الباشا وسهى وقفل الباب وراهم لف وشاف نظرات الخوف فى عيون سمر وكانت داده

فوزية وافقه

سليم : خدى سمر وطلعيه فوق الاوضة اللى قولتلك عليها

فوزية بحنية : تعالى معايا عشان اوريكى أوضتك

سمر فضلت واقفه فى مكانها متحركتس خطوة واحدة

سليم : أنت هتفضلى واقفه كده كتير أطلعى فوق على أوضتك

سمر : أرجوك ياسليم بيه خلينى أخرج من هنا

سليم بقسوة : أطلعى فوق بالذوق بدل ماتطلعى بالعافية

سمر : أبوس أيدك خلينى أخرج أنا مش بتاعات الحاجات دى أنا مليش فى سكة الشمال وقربت منه

ومسكت أيده عشان تبوسها

سليم شد أيده بسرعة قبل ماتبوسها

سمر : ابوس أيدك خلينى أخرج وانا هشيلها ليك جميلة العمر كله

سليم بقسوة : خديها يافوزية يلى

فوزية : يلى يابنتى تعالى معايا ومسكت سمر من أيديها وشدتها جامد عشان تمشى معاها ومشيت سمر

وهى حزينة لأنها مش قادرة تعمل حاجة عشان تنقذ نفسها

وطلعت سمر الاوضة وفضل سليم واقف مكانها من غير ماتهتز ليه شعرة قدام توسلات سمر لكن من

جواه توسلات سمر كانت مأثرة فيه وكان نفسه ياخدها فى حضنه عشان تحس بالامان لكن ده مينفعش

لازم يفضل قاسى ومفترى عشان ترضى باللى هيطلبه منها

أما عند سمر طلعت مع فوزية ودخلت الاوضة بس حاسة احساس غريب أنها اول مادخلت الاوضة

حست بالراحة بس فى الحقيقة الاوضة هتبقا الشاهد على كسرها لمليون حته

أستئذنت منها فوزية وسابتها لوحدها تواجه مصيرها واول ما خرجت فوزية وقفت تبص على الاوضة

وتتأمل كل ركن فيها والاوضة كان غالب عليها الطابع الكلاسيكى بس الواضح ان اساس الاوضة قديم