زواج من اجل ذنب الجزء الأول نيفين عبدالسلام
نهى: مش مهم اهو مبلغ يسندها وبعد كده ربنا يحلها من عنده نبقى نقولها أن خالك بيعمل عمليات خيرية
وهنقدم ليها من غير وسطه
دينا واحمد: فكرة حلوة
نهى: طب يلا نلحق نلف على المكتبات نتفق معاهم علشان هى لم تروح ليهم نبقى مظبطين كل حاجة
وفعلا مشوا وراحوا لاصحاب المكتبات واتفقوا ومعاهم على حكاية زياده الفلوس
أما عند سمر رجعت المدينة تحاول تذاكر شوية وتلخص المحاضرات علشان تروح المكتبات توزع
عليها قبل متذاكر غيرت هدومها واتوضت وصلت فرضها ودعيت ربنا وبعد كده كلمت والداتها علشان
تطمن انها بتاخد الأدوية فى مواعيدها وبعد كده قعدت تذاكر لحد ما وصلت سهى
سهى: مساء الخير
سمر: مساء النور
سهى: عملتى ايه فى موضوع والداتك
سمر: ولاحاجة
سهى: يعنى ايه
سمر: حكت ليها لفتها على المصالح الحكومية والمستشفيات لحد وصولها للمستشفيات الخاصة والمبالغ
المطلوبه منها
سهى: طب ماانا قولتلك من الاول يابنتى تعالى اشتغلى معايا الكام شهر دول وبعد كده خلاص وأهو
المبلغ اللى هيطلعلك هتعرف تصرفى نفسك منه
سمر: مستحيل طبعا
سهى: فكرى برحتك
أما عند سليم الانصارى بعد ما خلص الشغل رجع قصره
فوزية: حمد لله على سلامتك
سليم: الله يسلمك
فوزية: احضر لحضرتك العشا
سليم: ياريت حضرلى العشا وانا هاخد دوش علشان نازل على طول
فوزية: وهو حضرتك خارج تسهر تانى
سليم: ايوه فى حاجة
فوزية: مفيش بس حضرتك بتسهر كتير وبترجع متاخر وده غلط على صحتك
سليم: فوزية مالهوش لازمة الكلام ده نفذى اللى قولتلك عليه
فوزية: آسفة حاضر
وبعد شوية نزل سليم اكل وخرج كالعادة كل يوم راح يسهر فى مكانه المعتاد
وعدى الصبح وصحيت سمر غيرت هدومها وتوضت وصلت فرضها ونزلت تروح على المكتبة
ووصلت للمكتبة
سمر: صباح الخير
الحج صاحب المكتبة: صباح النور كنتى فين
سمر: معلش ظروف عموما كل المحاضرات جاهزه
الحج: طب كويس وليكى عندى خبر حلو
سمر: خير
الحج: دى فى اقبال كتير على شغلك وانا قررت ازود سعر الملخص وبالتالى هزود الفلوس
سمر بفرحة: بجد متشكرة اوى
الحج: اه بجد يلا اجدعنى بقه
سمر، ان شاء الله وخرجت سمر
احدى العاملين بالمكتبة : هو حضرتك بجد الا انت قولت ليها ده
الحج: اه
إحدى العاملين: بس كده كتير
الحج : والله انا ماليش دعوة صحابها هم الا هيدفعوا هما اتفقوا معايا على كده
احدى العاملين: طب ليه
الحج: معرفش
وملحظوش وجود سمر اللى سمعت الحديث بالكامل لانها لما خرجت من المكتبة نسيت اسكتش
المحاضرات ولما رجعت تاخده سمعتهم وهما بيتكلمو اخدت سمر الاسكتش من غير كلمة وبعد
ماخرجت ياه يعنى صحابى هم اللى عملو كل ده
فكرت سمر تواجه صحابها بس لو واجهتهم لازم ترجع الفلوس الا اخدتها بزيادة بس طبعا ظروفها
متسمحش لو ساكت مش هقدر ارفع عينى فى وشهم اتصرف ازاى طيب اسكت واعمل نفسى مش
عارفة طب مانا ممكن اروح اشتغل مع سهى طب ازاى يارب أن تعبت حالها من عندك
يارب انا ماليش غيرك وقررت تمشى تروح السكن تفكر بهدوء وهى ماشية ومش واخدة بالها قربت
منها عربية واللى جواه فتح باب العربية
كريم بزعيق : أدخلى ياسمر
سمر فاقت من سرحانها على صوت كريم وهى مخضوضة
سمر : مش هدخل أنت ايه اللى جابك هنا ورايا أنت كنت مرقبنى صح
كريم بضحكة خبيثة : أيوه براقبك ياقطة براقبك من ساعة ماخرجتى من السكن الجامعى
سمر : أزاى عرفت ساكنة فين صورة البطاقة اللى اخدها الحج والبيانات اللى اديتهله مفهاش عنوانى فى
مصر
كريم : باين عليها طلبت غباء معاكى وانا مش متعود منك على كده طبعا عرفت عنوانك من زمايلك
اللى شغالين فى المحل عندى مع شوية تهديد أخدت عنوانك
سمر : أزاى قلولك ده أنا موصياهم
كريم : مش عليا هنفضل وافقين كتير يلى أدخلى العربية
سمر : مش هدخل هو بالعافية
كريم : أيوه ياقطة بالعافية متنسيش أنا ممكن أسجنك على اللى عملتيه فيا
سمر : أنا معملتش حاجة
شاور كريم على راسه : وراسى المفتوحة دى مين اللى فتحها
سمر : أنت السبب أنت اللى حاولت تتهجم عليا
كريم : أثبتى أنا ممكن الفق ليكى الف مصيبة تقضى بسببهم عمرك كله فى السجن وحاول يمسك ايدها
ويدخلها جوه العربية وبزعيق أدخلى
سمر راحت مصرخة : الحقووووونى
والناس اتلمت
– مالك يانسة
سمر وهى بتصرخ : بيتهجم عليا وعايز يدخلنى معاه العربية معاه فى العافية خلاص الدنيا مبقاش فيها
خير وبصت للرجل وبصت للناس اتقذونى منه
والناس اتلمت حوالين كريم
كريم : انتو مالكم خليكم فى حالكم دى واحدة شغالة عندى وسرقتنى وهربت
سمر بدموع : كداب مسرقتش حاجة انا لسه خارجة من المكتبة وشاورت على المكتبة وأسالو الحاج
صاحبها هو اللى كان مراقبنى بعربية وعلى صوت الزعيق خارج صاحب المكتبة
الحاج : فى أيه
– البنت دى كانت لسه عندك
الحاج : أيوه بتلخص محاضرات وبشتريها منها فى أيه ياسمر
سمر بدموع وهى بتشاور على كريم : بيتهجم عليا وبيقول سرقته وهو كان مراقبنى بعربيته وعايز
يدخلنى معاه العربية بالعافية فاكر مفيش رجالة فى المنطقة
الحاج بغضب : اعملو معاه الواجب وأمشى انتى يابنتى ومشيت سمر واهل المنطقة اتلمو على كريم أخد
علقة مو,ت
سمر أخدت الطريق جرى لحد السكن الجامعى وطول الطريق بتعيط والدنيا مقفولة فى وشها من تعب
أمها والفلوس اللى محتاجها وكريم اللى مش سايبها فى حالة