زواج من اجل ذنب الجزء الأول نيفين عبدالسلام
الحلقة الخامسة
سمر بعد ماخرجت من المستشفى حست ان الدنيا بتلف بيها ازاى هتقدر تدبر المبلغ العملية ده غير
مصاريف العلاج يارب حلها من عندك
أما على الجانب الآخر فى ارقى حى من أحياء القاهرة تدق الساعة العاشرة صباحا على قصر سليم باشا
حيث يتميز القصر بالفخامة والعراقة والذوق الكلاسيكة وخصوصا فى غرفة صاحب هذا القصر وهو
سليم الانصارى ( رجل فى الخمسين من عمره لكن اهتمامه بنفسه يجعله كأنه شاب صاحب اكبر
شركات فى الشرق الأوسط يعيش فى هذا القصر الضخم بمفرده لايعيش معه غير السيدة فوزية وهى
مديرة المنزل وبعض الخدام لأنه لم يتزوج وليس له اقارب غير ابن ابن عمه شاب فى الثلاثين من عمره
يعيش حياة تافهة ويعيش خارج مصر فى إحدى الدول الأوربية )
يصحى سليم الانصارى على صوت موبايله فيقوم يرد عليه : الو
حسين: ايه سليم انت لسه نايم
سليم: اه خير فى حاجة
حسين: انت ناسى أن فى اجتماع لشركة الألمانية كمان ساعة
سليم: لا مش ناسى انا هكون هناك قبل الميعاد مع السلامة
ويبص جانبه على الفراش يجد فتاة تنام بجانبه لا يسترها سوا غطا الملاية عليها يبتدى يصحيها
سليم :أنتى يا
الفتاة بنعاس: خير ياسولى
سليم بزعيق: اصحى يلى واوعى تقولى الكلمة ده تانى فاهمة قومى البسى وأمشى من هنا
الفتاة: فى ايه ماانا طول الليل بقولك كده وكنت مبسوط
سليم: الليل حاجة والنهار حاجة تانية هدخل اخد شور اخرج مشفش وشك تانى وبص ليها باحتقار أها
متنسيش تاخدى الفلوس اللى اتفقنا عليها وسابها ودخل الحمام
الفتاة: ياساتر بليل حاجة اخر فرفشه وانبساط والنهار كائن غريب يلا المهم انا باخد الا انا عايزها
وبعد شوية خرج سليم من الحمام ملاقش البنت لبس هدومه عبارة عن بدلة بلون رمادي وسرح شعره
ورش عطره المفضل وسليم كان عنده جاذبية ملفته بالرغم من سنه
نزل على السلم لقه الفطار جاهز
فوزية: صباح الخير ياسليم باشا
سليم: صباح النور
فوزية: الفطار جاهز
سليم: معنديش وقت انا هاخد فنجان قهوة بس
فوزية: حاضر
وبعد شوية وصل سليم إلى الشركة وسط هيبة من الموظفين ووصل مكتبه
سليم: منال كلمى حسين بيه خاليه يجى
منال: حاضر
(منال تعتبر سكرتارية سليم الانصارى من اكتر من عشر سنين وتعتبر كاتمة أسراره وهى فتاة فى
منتصف الثلاثين من عمرها )
وبعد شوية وصل حسين المكتب عند سليم
حسين: ديما موعيدك مظبوطه
سليم ضحك : طبعا مش سليم الا نصارى
( حسين هو صديق سليم يصغره بحوالى خمس سنوات وهو محامى الشركة ومديرها العام )
حسين: بس المفروض كنت تيجى قبل الاجتماع بحوالى ساعتين علشان نجهز الاوراق
سليم: معلش كنت سهران وبعدين كل الاوراق جاهزة
حسين: انت لسه بتجيب البنات القصر
سليم بص له نظرة معناها اسكت
حسين: انا هسكت دلوقتى علشان الاجتماع بس لينا كلام تانى
سليم: طب يلا
نرجع لسمر بعد ما خرجت من مستشفى قررت تروح الجامعة تراجع الا فات من محاضراتها وكمان
تحاول تتصرف فى فلوس من اصحاب المكتبات اللى بتبعتلهم المحاضرات اول ماوصلت شافت
أصحابها جريت عليهم
سمر: ازيكم ياجماعة
نهى: حمد لله على سلامتك
دينا : الحمد لله طميننا طنط عاملة ايه دلوقتى
سمر: الحمد لله
احمد: مالك ياسمر شكلك تعبان
سمر: عادى اصل صحيت بدرى اوى
نهى: لم صحيتى بدرى كنتى فين كل ده محضرتيش المحاضرات ليه
سمر: كنت بلف على المستشفيات علشان العملية الا محتاجها ماما
دينا: وعملتى ايه
سمر: ولا حاجة طلعت لف طويلة اوى والموضوع مش سهل خالص وبعدين قالوا انها لسه تاخد دور
ممكن يكون بعد شهرين ده اقل حاجة وبعد كده روحت الف علي المستشفيات الخاصة لقيت ارخص
مستشفى عايزة حوالى عشرة الالف جنيه
نهى: طب خلاص سبيها على ربنا
سمر : ونعمة بالله
نهى : أيه رأيك خالى يعمل هو العمليه لولدتك فى المستشفى بتاعته
سمر: طب والفلوس هياخد كام
دينا: فلوس ايه مالكيش دعوة
سمر: انت عارفة أنه مش هينفع
دينا: يابنتى احنا اخوات
سمر: طبعا بس انتى عارفه مينفعش
نهى راحت مديه سمر كشكول المحاضرات: طب خلاص دى كل المحاضرات الا فاتتك حاولى ترجعيها
وان شاء تخلصها وتبعتيها للمكتبات وتاخدى فلوس مين عارف يمكن يطلبوا زيادة
سمر: يارب انا همشى وبكره الصبح اروح ليهم
وبعد مامشيت سمرقالت ل دينا احنا لازم نقنعها انها توافق على موضوع المستشفى بتاع خالى
احمد: مستحيل سمر توافق انت عارفة عزة نفسها
دينا: طب ماانت عارف ظروفها نعمل ايه
احمد: مش عارف سمر ده دماغها ناشفه
دينا: ساكته ليه يانهى
نهى: ابدا انا بفكر نساعدها بس من غير ما تعرف
دينا: ازاى
نهى: احنا هنروح لاصحاب المكتبات ونقول ليهم أن ملخصاتها مطلوبة وهنغلى الملاخصات ده وبالتالى
هيزودها فى الفلوس
دينا: فكرة حلوة بس هيزودها كام يعنى