حارستي الشخصية الجزء الأول

الفصل الاول
في مكان في القاهره في بيت فقير
سميه:انتي يا زفته تعالي هنا
جنات في نفسها:هنبتدي بئه الاسطوانه المشـ,ـروخه بتاعت كل يوم:ايوه يا مدام سميه جايه
سميه:مش قولتلك تنظفي اوضتي منظفتهاش ليه
جنات:وانتي معندكيش ايد ورجل ولا هما اتشلو
سميه:بتردي عليا يا قليلة الربايه
جنات:جري ايه ما تردحيلي احسن ده انتي حيالا مرات ابويا مش خدامتك انا
سميه:بقولك ايه روحي نظفي اوضتي من سكات والا وديني لاتصل بالبوليس اخيلهم يطردوكي والشقه باسمي
جنات:بجد انا مش عارفه ابويا اتجوزك علي ايه
سميه:بتقولي ايه يا بت انتي
جنات:مبقولش طالعه انظف الاوضه
جنات وهيا طالعه :الاهي تتشل اديكي وتنقطع رجليكي وودانك تطرش وبؤك يتخرس وعنيكي تتفقع قادر يا كريم
وطلعت تنظف الاوضه
في مكان تاني في احدي الدسكوهات
طارق:يا عم زهقتني ساعه وانت قاعد ساكت مش عوايدك هتتكلم ولا اقوم
علي:قوم
طارق:لا قاعد قول فيك ايه
علي:انا خايف هايدي تضيع مني
طارق باستغراب:ليه انتو اتخانقتو
علي:لا لكن ابويا الايام دي متغير بئه يلح عليا كتير اشتغل معاه وسعات الاقيه بيدبسني في موعد جواز وانهارده سمعته انه مخلي حد يراقبني
طارق:ليه حق
علي بعصبيه:يووو نقصاك انت كمان
طارق:يابني مانت طول مانت مقضيها في الدسكوهات ومع البنات هيفضل يراقبك ويعمل فيك اكتر من كده كمان
علي :انا هلف شويه بالعربيه وبعديها اروح
طارق:طب استني هاجي معاك
علي:لا عايز اكون لوحدي
طارق:طب هات عشره جنيه
علي باستغراب:ليه
طارق:اصلي معيش حق التاكسي
علي:لا يا شيخ
وراح اداله عشره جنيه وخرج
عند جنات خلصت تنظيف الاوضه وراحت لاوضتها وسمعت موبايلها بيرن
جنات:الووو
هند:تحبي تتشتمي ولا ادعي عليكي
جنات:ليه
هند:ساعه ونص وانا اتصل وانتي مبترديش
جنات:كنت بنظف اوضة امنا الغولا
هند:اومال لازمة الكارتيه الي انتي اخدتي فيه جوايز ايه انت بس اديها بوكس وهيا تخاف منك
جنات:اه صح عشان هيا تطلبلي البوليس وتطردني من البيت
هند:خلاص خلينا نقفل علي السيره دي اخبارك ايه
جنات:الحمد الله تمام وانتي
هند:الحمد الله تمام مفيش اخبار جديده عن باباكي
جنات بحزن:لسه في غيبوبه
هند:لا حول ولا قوة الا بالله ان شاء الله يبئه كويس ويكون زي الفل
جنات:يا رب لكن انتي دايمن بتتصلي عليا بدري ايه الي مخليكي تتصلي متاخر كده
هند:جبتلك الحل لكل مشاكلك
جنات بدون فهم:ازاي
هند:لقيتلك وظيفه بمرتب كبير اوي في شركه كبيره محتاجين فيها لمترجمة الماني
جنات باحباط:وهما هيشغلوني انا
هند:وليه لاء
جنات:شركه كبيره يعني اكيد مبتقبلش غير بالوسايط
هند:يا بنتي روحي هتخسري ايه مش احسن ما مرات ابوكي بتذل فيكي ليل ونهار وبتاكلي طول النهار بيض وجبنه بسبب بخلها وتعد تاكل عيالها لحمه
جنات بتفكير:ماشي اديني العنوان
هند:العنوان…..
جنات :اوك يلا بئه تصبحي علي خير عشان الحق اروح بكرا
في مكان تاني في فيلا فخمه كان ينتظره وهوا بداخله عضب شديد
دخل علي الفيلا
فريد:لسه بدري ما كنت تيجي الساعه 4 احسن
علي:بابا انا تعبان تصبح علي خير
فريد:استني عندك لما اكلمك متمشيش وتسمعني
علي بملل:ايوه يا بابا
فريد:اعمل حسابك هتيجي معايا بكرا الشغل
علي بعصبيه:يا بابا انا مليش في شغلك ده
فريد:لكن ليك في الدسكوهات والتفاهات مش كده
علي:يا بابا انا
قاطعه ابوه:انتهي الكلام بكرا هتصحي بدري تيجي معايا الشغل

ذهب علي وهوا في قمة غ/ضبه فهوا يكره ان يجبره احد علي شئ
تاني يوم الصبح صحيت جنات الساعه سته كانت متشوقه جدا تروح الشركه الي صحبتها قالتلها عليها لبست واتجهزت وقبل ما تخرج
نور:انتي خارجه
جنات:ايوه
نور:رايحه فين
جنات:وانتي مالك
نور:لا يا حبيبتي كلميني عدل ولا اندهلك ماما تشوف شغلها معاكي
غ/ضبت جنات لدرجه كبيره راحت مسكت ايد نور ولوتها ورا ظهرها
جنات:يلا نادي مامتكك ووريني هعمل فيكي ايه
نور:ااااه ايدي اوعي
تركتها جنات فا جنات رغم براعتها في الكارتيه الا انها لا تحب استخدامها الا في الدفاع عن النفس فقط ملحوظه نور تكون اخت جنات الكبري
في مكان تاني كان علي نائم فا دخلت عليه الخادمه وصبت عليه كوب ماء بارد
علي بفزع:اااااااااه انتي اتهبلتي ولا ايه
الخادمه:اسفه دي اوامر الاستاذ فريد
علي قام بغ/ضب كانت الساعه السادسه والنصف لبس واتجهز ونزل ليفطر مع ابو
علي :انا خلصت فطار
فريد:طب يلا بينا علي الشغل ولو فكرت تزوغ من الشغل هجيبلك بودي جارد
علي في نفسه هيا وصلت لكده ماشي راحو الشغل وجلس علي علي مكتبه بملل ففتح هاتفه ليلعب به وهوا بداخله يشعر بالقلق خائف من ان لا يقبل اباه بحبيبته هايدي لان ابوه لا يثق في اختياره حتي لو كانت صائبن
في هذا الوقت دخلت جنات علي السكرتير
جنات:صباح الخير
السكرتير:صباح النو.. ولم يكمل جملته فا لقد راي امامه فتاه جميله وجهها طفولي طبيعي به عفويه ونشاط كانت فتاه جذاب
جنات:يا فندم حضرتك معايا
السكرتير:هااا اه معاكي
جنات:انا كنت جايه اقدم لوظيفة مترجمه
السكرتير بغزل:القمر الي زيك يشتغل اميره او ملكه
جنات باستغراب:نعم
السكرتير :بقولك ايه ده رقمي يعني لو قلبك شورك تتصلي بيا وتحتاجي اي حاجه
مزقت جنات الكارت الذي عطاها لها السكرتير
جنات:انت قليل الادب باين عليك
السكرتير بعصبيه:مالك داخله فيا شمال كده متنكه علي ايه يا بت انتي ما تتلمي
جنات بعصبيه:اتلم!!! طيب وراحت عطته بوكس ومن قوة البوكس نـ,ـزف انف السكرتير في هذا الوقت سمع علي صوت خارج المكتب فا خرج وانصدم من الذي راه السكرتير الخاص به واقع علي الارض
علي:ايه الي عمل فيك كده فا كل الموظفين ناظرو جنات
علي:انتي الي عملتي فيه كده
جنات:ايوه
علي بعصبيه:ليه
جنات:ابئه اساله
ولم تعطيه اي فرصه وذهبت
في هذا الوقت خطرت فكره علي بال علي فا جري ورائها
علي:استني
جنات وكانها لم تسمعه فا امسك علي بذراعها
فا ناظرته جنات بعصبيه فابعد يده بسرعه
علي:ممكن نتكلم
جنات:لاء
علي:بعد اذنك
جنات:بس تلخص
علي: تعالي نقعد في الكافتيريا الي جمب الشركه وبالفعل ذهبو الاثنين
جنات:ها عايز ايه
علي:انتي ازاي ض*ربتيه بالقوه دي
جنات:وانت مالك
علي:يا بنتي براحه عليا شويه
جنات:انا كنت جايه اقدم للشركه كمترجمه والسكرتير عاكسني فا ض*ربته
علي:انتي من عيله فقيره صح
جنات باستغراب:عرفت ازاي
علي:من لبسك بصي لنفسك لبسك ده اتلغي من القرن العشرين
جنات:اه انت جاي تعايرني بئه
علي :بالعكس انا جاي اساعدك
جنات:مش فاهمه
علي:بصي انا في واحده بحبها جدا وعارف ان ابويا هيرفضها
جنات:وليه هيرفضها
علي:عشان هوا شايفني صايع ومبيثقش في اختياري لدرجة انه عايز يجوزني علي مزاجه
جنات:طب وانا مالي بكل ده
علي:ايه رايك تبئي البودي جارد بتاعتي
جنات فتحت عيناها علي اخرها:نعععععععم
علي:انا هديكي سبع الاف جنيه مقابل انك تكوني البودي جارد بتاعتي
جنات:طب وده ازاي هياسعدك انك تنجوزحبيبتك
علي:انا عارف ابويا كويس هيجي من ورايا ويسالك عني بروح فبن وبعمل ايه فا عايزك تقوليله اني اتغيرت واني بئيت ماشي علي السراط المستقيم عشان يحل عني واعرف اتجوز هايدي
جنات:ايه التفاهه الي انت فيها دي
علي:دي مش تفاهه انا لما جيت قولتله ان في واحده بحبها وعايز اتجوزها رفض حتي من قبل ما يعرف اسمها هايدي بقالها خمس سنين وهيا معايا مش عارفين نتجوز والحل الوحيد ان ابويا يصدق اني بئيت كويس عشان كده عايزك تقوليله انا اد ايه بئيىت كويس وبشتغل كويس في شركته لحد ما اتجوز وانا هديلك سبع الاف جنيه
جنات:لاء لا يمكن اعمل كده
علي:فكري كويس انتي شكلك لسه صغيره واكيد مفيش شئ هيجبرك تشتغلي في السن ده الا اذا انتي محتاجه فلوس وده الكارت بتاعي فكري علي مهلك وراح سابها ومشي وهيا غرقانه في حيرتها

الفصل التاني

ظلت جنات في الكافتيريا ساعه كامله تفكر في كلامه وبعد ان تعبت من التفكير رجعت الي المنزل فا وجدت سميه جالسه علي الاريكه
سميه:كنتي فين يا هانم
جنات لم ترد عليها وذهبت الي غرفتها
سميه:انتي يا زفته انا مش بكلمك
ولم تجد اي رد منها غير سمع صوت قفل باب غرفتها
ياسمين:شايفه برودها يا ماما
سميه:متركزيش معاها وركزي انتي بس في مذكرتك بدل مانتي ساقطه وبتعيدي السنه وهيا جايبه امتياز
ياسمين:حاضر حاضر
في نفسها كل شويه تقعد تمسكلي سقوطي ذله
ملحوظه ياسمين اخت جنات الصغيره وهيا اصغر منها بسنه وياسمين ونور اخوات جنات من الاب فقط
جنات وهيا تكلم هند في الهاتف:ايوه صدقيني هوا ده الي حصل
هند:وانت موافقتيش علي طول ليه
جنات:حاسه انه انسان تافه اوي وبعدين كده انا هكون كدابه اذا باباه سالني وانا محبش الكدب
هند:بس لقيتها
جنات:ايه
هند:وافقي علي عرضه بس اعملي الي هقولك عليه
وقالت هند لجنات فكرتها واعجبت جنات جدا بفكرتها
جنات:ماشي يلا سلام بءه
هند:اهو انت كده تاخدي مني المعلوم.ات وتمشي
جنات:يلا يا بت من هنا
هند:ماشي ماشي سلام
وبعد ما اقفلت معاها خرجت الفلوس الي معاها وقعدت تكتب عليها الفتاه القويه
كانت جنات من عادتها تكتب علي الفلوس الورق الفتاه القويه وفجاه سمعت دق علي باب غرفتها
جنات وهيا بتحط الفلوس في جيبها:مين
جنا:انا جنا يا جنات
قالت جنات مبتسمه:ادخلي
ملحوظه جنات تكون اختها الصغري من الاب فقط ولكنها الوحيده التي تعاملها بحب جنا عندها تسع سنين:وحشتيني جدا
جنات:وانتي كمان يا حبيبة قلبي بس خير ايه سر الزياره المفجاه دي
جنا:خلينا ننزل مع بعض نشتري ايس كريم من السوبر ماركت وشوية شيبسيات
جنات:انا كمان نفسي اكل حجات حلوه ماشي يلا بينا
نزلو هما التنين وراحو للسوبر ماركت
جنات:ازيك يا عم لطفي
عم لطفي:ياااا جنات وحشتيني بقالك كتير مبتجيش
جنات:وهوا انا بئيت الاقي وقت لنفسي من ساعت امنا الغولا دي قعدت عندي في البيت
عم لطفي:ربنا يعينك يا بنتي
اشترت جنات وجنا كل الاشياء التي يريدونها
جنات:كده كم
عم لطفي:خمسه جنيه
جنات اعطته عشر جنيهات فاعطاها الباقي خمسه جنيه ورقيه
جنات:يلا سلام
عم لطفي :سلام يا بنتي
جنات وقبل ما تحط الفلوس في جيبها لاحظت حاجه مكتوبه علي الخمسه جنيه كانت مكتوب عليها الشاب الوسيم فابتسمت جنات ورجعو الي بيتهم
في مكان تاني في سان سيتي
طارق:لالالا انت اكيد اتجننت
علي:ليه
طارق:عايز تدي لبنت زي دي سبع الاف جنيه في الشهر مرتب
وبتسال ليه كمان
علي:انا فاهم كويس انا بعمل ايه
طارق بشك:بس كلامك ده مش داخل دماغي انا شاكك ان في سبب تاني خلاك تطلب من البنت دي تكون الحارث بتاعتك مش معقول بتعمل كل ده عشان هايدي
علي:هههه هوا فعلن في سبب تاني
طارق:ايه تكنش عجباك
علي:عجباني ايه يا عم ده لبسها لوحده يسد النفس
طارق:هيا للدرجاتي وحشه
علي:بالعكس دي جميله اوي بس بلبسها شكلها ولا الزبالين لا يمكن ابصلها ده لبسها يجيبلك المرض من كتر شكله المنيل
طارق:طب ايه السبب التاني
علي:انا ناوي اعملي مشروع خاص بيا
طارق:طب ما تعمل وايه الي يمنعك
علي:ابويا مش هيرضي لانه عايزني اشتغل معاه عشان اكون صاحب الشركه في المستقبل
طارق:ما تعمل من وراه
علي:يا ناصح ما هوا مخلي ناس تراقبني واكيد لما يعرف هيعمل مشكله عشان كده انا هخليها تكون البودي جارد بتاعتي عشان انا واثق مليون في الميه انه هيسالها عني انا بروح فين واجي منين فا هخليها تقوله اني بشتغل كويس جدا في الشركه
طارق:يابن الايه الفكره جامده وطبعن ساعتها هتعرف تعمل مشروعك ولما تخلصه هتحط
باباك قدام الامر الواقع
علي:اخيرا في بصيص من الذكاء جالك
طارق:لكن مشروع ايه الي انت عايز تعمله
علي:اني افتح شركة كومبيوتر
طارق:طب وتفتكر البنت دي هتوافق
علي:اكيد هاتوافق سبع الاف جنيه في الشهر ده مش قليل وهيا صغيره يعني اكيد محتاجه
فلوس والا مكنتش هتشتغل في سنها ده
طارق:ماشي يمكن
خلصو كلامهم هما التنين ورجع علي بدري عشان ميتخانقش مع ابوه
تاني يوم صحي علي بدري قبل ما تيجي الخدامه وتصب علي مايه بارده ونزل يفطر مع ابوه
علي:يلا بابا مش هنروح الشركه
فريد:اه علي فكره انا امبارح اتصلت بشركة حراسه وطلبت منهم يبعتو بودي جارد ليك
علي خاف لدرجه كبيره:يا بابا انا بئيت اروح الشغل معاك اهو لازمته ايه البودي جارد
فريد:الي اطلبه يتنفذ من سكات وراح قام بدون ما يسمع رده
علي:في نفسه وبعدين بئه يا رب البنت تتصل
راح علي للشركه وهوا يمسك موبايله ويستني بفارغ الصبر انها تكلمه وفجاه رن موبايله فا رد باقصي سرعه:الووو
جنات:استاذ علي فريد
علي:ايوه
جنات:انا البنت الي اتكلمت معاها امبارح
علي:ايوه فاكرك
جنات:انا فكرت في عرضك
علي:وايه ردك
جنات:انا موافقه
علي ابتسم بارتياح:اوعدك انك مش هتندمي
جنات:طيب انا هبدء الشغل امته
علي:استني كده خليكي معايا
وراح علي لمكتب ابوه
علي:بابا هما شركة الحراسه قالو هيبعتولك البودي جارد امته
فريد:علي الساعه اربعه لكن ليه
ذهب علي بسرعه الي مكته دون حتي ان يجاوب علي اباه:بصي انتي هتيجي الشركه علي الساعه اربعه بالظبت وتطلبي من السكرتيره انك عايزه تقابلي فريد بيه وانك من شركة الحراسه
جنات:اوك ماشي سلام
علي:سلام
ابتسم علي بارتياح واتصل علي حبيبته هايدي
علي:اذيك يا حبيبتي
هايدي:هاي يا روحي اخبارك ايه
علي:الحمد الله تمام وانتي
هايدي:الحمد الله بس زهقانه
علي:طب انا عازمك علي العشا انهارده
هايدي:بجد
علي:بجد بس تكوني جاهزه الساعه سبعه بالظبت
هايدي:اوك
علي:وبالمره انا عاملك مفجله هتعجبك اوي
هايدي باهتمام:ايه هيا
علي:لا ان شاء الله هبئه اقولك علي العشا
هايدي:ماشي انا همشي دلؤتي
علي:اوك يا حبيبتي سلام
هايدي:باي
وعلي الساعه اربعه وصلت جنات وقالت لسكرتيره بالظبت الي طلبه منها علي تقوله
السكرتيره:اتفضلي حضرتك قعدي هنا شويه
جنات:اوك
قعدن جنات واتخضت من الي شافته كان في اربع شبان قاعدين بعتينهم شركة الحراسه ولكن كانو طواال جدا وجسمهم ضخم خافت جنات بان لا يقبل بها فريد بيه ولكن لما افتكرت فكرة هند حست انه فريد بيه هيقبلها بالوظيفه وبعد خمس دقايق
دخلت جنات الي مكتب فريد بيه وبالفعل نفذت فكرت صديقتها
فريد بيه:انا موافق عليكي بس برضه هخلي علي ابني هوا الي يختار عشان اتاكد اذا كان كلامك صح
وبالفعل طلب فريد من السكرتيره ان تاتي بعلي الي مكتبه وان يدخل باقي الشبان الاربعه الي مكتبه
وعندما دخل علي راها
فريد:ها تختار مين من الحراث
علي قام بالتمثيل وكأنه يفكر من يختار
علي:انا هختار البنت دي
فريد بشك:طب انت حتي مش تشوف السي في بتاعهم وبعدين تختار
علي بارتباك:انا بس حاسس انها كويسه وبعدين البودي جارد دول هيخ/وفو كل الي حواليا وانا مش عايز كده
فريد:ماشي انسه جنات
جنات:نعم
فريد:انتي من دلؤتي هتكوني حارثته الشخصيه
جنات:ان شاء الله
علي ابتسم ابتسامه انتصار وفي نفسه:ايوووه بئئئه
علي:اتفضلي معايا انسه جنات
وقبل ان يخرج علي من مكتب والده ناظرها فلم تفهم
علي:يلا
جنات بدون فهم:يلا ايه
علي:افتحيلي الباب ولا انا هفتحه لنفسي
جنات غ/ضبت ولكن كتمت غ/ضبها وفتحت له الباب وخرج علي بكل غرور وجنات بداخلها بركان من الغ/ضب يغلي

الفصل الثالث

ذهبت جنات ورائه وهيا تضغط باسنانها من كثر غيظها
علي وهوا يجلس علي المكتب:انتي بجد هايله متشكر
جنات بصوت واطي:يكشي يطمر
علي:بتقولي حاجه
جنات:لا ابدا
علي:طيب لازم تعرفي انك من خمسه الصبح تكوني عندي لحد بليل لغية ما اروح
جنات:حاضر
علي طلع كتب من درجه:امسكي
جنات:ايه كل الكتب دي
علي:دي هتعلمك ازاي تبئي بودي جارد
جنات:هوا انا هعمل دكتوراه في الحراثه الشخصيه
علي:مش عايز لماضه وكتر كلام انتي دلؤتي بئيتي بتشتغلي عندي
وبعدين ايه البس العره الي انتي لبساه ده
جنات:لاء بص بئه يا عم الامور اولن انا مبشتغلش عندك ثانين ده لبسي ومش هغيره لو مش عجبك اخبط دماغك في الحيط
علي بعصبيه:انت مالك شايفه نفسك اوي كده ليه ده انا بكلمه مني لابويا اخليه يرفضك
جنات:يا ريت ترفدني عشان ساعتها اروح لباباك وقوله علي الاتفاق الي بينا وقوله كمان علي البنت الي انت عامل عشانها كل ده
توتر علي من كلامها كده كل تخطيتاته ومشروح خيبوظ
علي:انا انهارده عندي عزومة عشا فا طبعن هتكوني معايا
جنات:حاضر
علي :تعالي ورايا
خرج علي من الشركه:امسكي المفاتيح
جنات باستغراب:وانا هعمل بيهم ايه
علي:هتسوقي العربيه يا ناصحه
جنات:احنا قولنا اني البودي جارد مش السواقه
علي:مهو انا لو جبت سواق هيقول لبابا علي كل تحركاتي
جنات:وانا مالي ده مش شغلي
علي بتمثيل واقترب منها:عشان خاطري
توترت جنات من قربه وابتعدت عنه:لاء
علي:هذودك الف جنيه
جنات:اووك
علي في نفسه ماديه
جنات:نروح فين
علي:امشي انتي بس وانا هقولك علي الطريق
في مكان تاني
احمد بعصبيه:اعمل ايه انا كده بيتي هيتخرب
مسعود:شركة فريد كاسبه عننا الاضعاف واحنا مش عارفين حتي نجيب ثمن الي ضفعناه في المشروع
احمد:اتصرف انا كده بيتي هيتخرب انا انتاجي مجبش نص الي دفعته اعمل ايه نفسي افهم ايه الي في شركة فريد فيه زياده عن شركتي
مسعود:هوا كل شويه بيطور من انتاجه وانت واقف محلك سر بس انا سمعت انه بيحضر لفكره جديده
احمد:ده انا مبقاش حيلتي غير خمسه مليون
مسعود:طب انا عندي فكره
احمد:الحقني بيها
مسعود:انا سمعت ان فكرته الجديده داخل بيها شركه مع ناس اصحاب شركات كبيره ما تجيبهم وتديهم رشوه مقابل انهم يعرفوك ايه هيا الفكره دي وتنفذها انت قبل منه
احمد:انا نفسي اعرف انت بتجيب الغباء ده منين اكيد مش هيوافقو وحتي لو وافقو فكرك بعني هيطلبو رشوه قليله اكيد هيطللو بالملاين
مسعود:خلاص خلي حد من الموظفين الي في الشركه يجيبلك كل ما يتعلق بالفكره الجديد
احمد:ممكن برضه بس خليني افكر الاول
مسعود:ماشي فكر علي مهلك انا همشي دلؤتي عشان ورايا مشوار
احمد:ماشي سلام
مسعود:سلام
عند جنات وعلي
علي:ايوه بس اقفي هنا يلا انزلي
جنات بدون فهم:ليه
علي:هتعرفي انزلي الاول
نزلت جنات معه ودخلو الي محل ملابس حريمي فاخر
جنات:احنا هنا ليه
علي:عشان اجيب لبس لحبيبتي وعشان انتي تشتريلك لبس مقدرش اروح اماكن عامه وانتي بلبسك المهبب دي برستيجي قدام الناس
جنات:بس الهدوم هنا غاليه وانا معيش فلوس
علي:هدفع علي حسابي المهم غيري لبسك ده
جنات:طيب اختار انت لبس لهايدي وانا هجيب ليا لبس
علي:متتاخريش
ذهبت جنات ولكن خرجت من المحل دون ان يراها علي
ورجعت اليه بعد بضع دقائق
جنات:انا خلصت
علي :اه وانا كمان خلص… ولم يكمل جملته فانصدم من الذي يراه
علي:ايه الي انتي لبساه ده
جنات:زي مانت شايف لبسه بدله
علي:في بنت تلبس بدله رجالي
جنات:انا وبعدين كل الحراث الشخصيين بيلبسو بدل وانا حتي لو كنت بنت فانا في الاخر حارث شخصي
علي:طب بس بطلي فلسفه وقوليلي حساب البدله كم
جنات:انا دفعت حسابها الحمد الله الحساب مكنش غالي
علي:طب بقولك ايه
جنات:ايه
علي:انتي صحيح لبسك بيئه بس انتي في الاخر بنت برضه قوليلي ايه رايك في البلوزه دي
جنات ناظرت البلوزه كانت البلوزه بدون اكمام:دي لمين
علي:لهايدي اكيد
جنات:وحشه جدا انت ترضي انها تلبس كده
علي:وليه لاء
جنات:عشان البلوزه ملفته جدا وكمان من غير اكمام يعني عا\ريه
علي:دي الموضه
جنات:انا نفسي افهم انت فعلن بتحبها ولا انت معندكش رجوله خالص
علي بعصبيه شديده:قصدك اني مش راجل
جنات:الي علي راسه بطحه يحسس عليها
علي:يعني ايه
جنات:يعني كل واحد ادري بنفسه
ولم تعطه فرصه وخرجت من المحل وهيا تلبس البدله واشتري علي البلوزه ولم يهتم لانتقادها
كان علي سيركب السياره ولكن اوقفه صوت
يوسف:علي ابن الاكابر هنا منور المكان كله
علي ببرود فهو يقابل مره اخري عدوه الدود الذي يكرهه من ثلاث سنوات:منوره بوجودك عن اذنك
يوسف:ومستعجل كده ليه ده انت ليك حتي وحشه كبيره اووي
علي:انت بئه ملكش وحشه خالص
يوسف:الله ليه هنلبخ
علي:انت عايز ايه دلؤتي
يوسف:انا بس كنت عايز اسال عن هايدي اصلها وححشتني اوي اوي
علي وامسك قميصه وهوا بقمة عصبيته:انت متجبش سيرتها علي لسانك
يوسف:ههههه مهو لو انا مجبتش سيرتها في مليون غيري هيجيبو سيرتها
ولم يتمالك علي نفسه وض*ربه بوكس
يوسف:انت تضر*بني يا حيوان
وكان سيض*به ولكن هناك يد سبقته اوقفته
جنات وهيا تمسك معصم يوسف:اياك تفكر تيجي نحيته
يوسف وهوا يبعد يده عنها :هههههه بتتحامي في ست
جنات:ده علي اساس ان انت راجل يعني
يوسف:انا راجل غصبن عنك وشكلك كده عايزه المين عشلن تحترمي نفسك
جنات:كده
وامسكت جنات براسه وعطته بالروسيه
يوسف:ااااااه يابنت الذين طب انا هوريكي
وكان سيض*ربها بوكس ولكن امسكت جنات بيده ولوتها
جنات:كفايه عليك كده
كان علي يناظر الوضع وهوا منصدم حتي انه شك انها فتاه
جنات:اركب
ركب علي وهوا ما زال منصدم منها

الفصل الرابع
كان علي طول الطريق ينظر الي جنات وهوا يعيد في فكره ما حدث وتذكر
حركاتها ودفاعها عنه لاحظت جنات انه ينظر اليها
جنات:في ايه
علي:هااا لاء ولا حاجه
جنات:امم اوك
علي:هوا انت اتعلمتي الضر*ب ده فين
جنات:ليه بتسال
علي:اصل كانت طريقتك عنيفه اوي لدرجه اني شكيت انك بنت
جنات:انا حارستك الشخصيه ولا نسيت
علي:بس انتي اسلوبك حتي صبياني اوي الي يشوف وشك البرئ الجميل ميصدقش انك انتي تض*ربي كده بس يا بنتي نصيحه مني خلي طريقتك زي البنات والا كده مش هتلاق حد يتجوزك وهتعنسي ويبئه شكلك وحش قدام الناس و….
ولم يكمل فقد اوقفت جنات السياره فجاه حتي كاد ان يصتدم علي بالكرسي الذي امامه
علي:ايه ده في ايه
جنات:انت الي في ايه عمال دودودودو ايه افصل شويهانت بالع راديو و هوا انا طلبت رايك فيا
علي:في ايه هوا انا بكلم بنت ولا ميكانيكي سيارات
تعصبت جنات منه فخرجت من السيار وذهبت اليه وفتحت الباب الخلفي واخرجته من السياره
علي:انتي بتخرجيني من العربيه ليه
جنات:لاخر مره تتكلم عني
علي:هع مش انا يا ماما الي يتقالي اعمل حاجه انا اتكلم براحتي انا….
ولم يكمل جملته حتي ضر*بته جنات في بطنه
علي:ااااه
تركته جنات وركبت السياره وعلي يجري ورائها
علي:استني
جنات وكانها لا تسمعه
علي:وقفي السياره
جنات وهيا تقود السياره ببطئ فتحت النافذه:مش سامعه بتقول ايه
علي:بقولك وقفي
جنات:لالالا صوتك واطي اوي بتقول ليه
علي وهو يشعر بتعب من الركد وراء السياره:وقفي بقولك
جنات:اعتذر وانا اوقف
علي:انا اسف يا ستي حقك عليا وقفي بئه
اوقفت جنات السياره وهيا تبتسم ابتسامة نصر:اركب
دخل علي الي السياره وهوا يكاد يشعر بتعب شديد
جنات:ها يا فندم تحب اوديك فين
علي بعصبيه:روحي لفندق……
جنات:حاضر

وذهبو الي الفندق ودخلو الي مطعم فاخر فتحت جنات عيناها وفمها من كثر الصدمه فانها لم تري هدذ الاماكن الفاخره الا فقط علي التلفاذ
علي:ايه مالك عامله كده
جنات:اصلي عمري ما شفت المطاعم دي علي الحقيق
علي:طبعن مانتي اخرك مطعم كشري
جنات:وماله الكشري طعمه حلو وبيشبع
علي:طب بس بس
وذهب علي وورائه جنات وجلس هوا الكرسي
جنات:ممكن سوال
علي:لاء
جنات:ماشي هوا احنا هنا ليه
علي:مستني هايدي
جنات:طيب ماشي
علي وهوا ينظر لجنات:بقولك ايه
جنات:ايه
علي:ما بلاش ديل الحصان الي انتي عملاه ده وتعملي كحكه
جنات باستغراب:اشمعني
علي بغيظ:اصلك هتشبهي ساعتها الرجاله اكتر ههههه
جنات تعصبت فا ض*ربت قدمه بقدمها
علي:اه انتي ازاي تدوسي علي رجلي
جنات:بقولك ايه احترم نفسك
كان علي سيرد عليها ولكن دخلت هايدي
كانت هايدي ترتدي فستان بينك وميك اب هادي كانت جميله
هايدي:هايي روحي
علي:ازيك يا حبيتي كده تتاخري عليا عشر دقايق بحالهم
هايدي:معلش يا روحيىالشوارع ذحمه
علي:ولا يهمك تعالي بئه اعرفك
علب وهوا يقترب من جنات:دي جنات حارثتي الشخصيه
هايدي:اها اهلن
جنات:اهلن بحضرتك
هايدي:وانت بئه في كلية ايه
جنات:اعلام
هابدي:اها بس انتي صغيره اوي ليه بتشتغلي في السن ده
جنات تذكرت زوجة اباها وتالمت:فراغ بئه
علي احس انها تكذب ولكن لم يرد ان يكشف امرها
علي:هايدي حبيتي تعالي نقعد
جلسو هما الاثنان
علي وهوايعطيها هديه:اتفضلي يا حبيبتي اشتريتلك بلوزه
هايدي بحزن:حبيبي فين الخاتم الاماز الي وعدتني بيه
علي:هجيبهولك يا حبيبتي ان شاء الله
ها تحبي تاكلي ايه
طلبو هما الاثنين وكانت جنات تشعر بالجوع وتنظر اليهم وهم ياكلو وتحسدهم
هايدي:حبيبي انا هروح الحمام
علي:اوك
جنات تنظر للطعام بلهفه وعلي لاحظها
علي:انتي جعانه
جنات:لاء
وفجاه بدءت بطنها باظهار صوت الجوع
علي:هههه اومال ايه الصوت ده
جنات حست باحراج:لما ينتهي شغلي هاكل
علي:احسنلك تطلبي اكل دلؤتي
جنات:لاء مليش في الاكل دخ
علي:اه صح نسيت انتي ليكي في الكشري
جنات:اه ليا في الكشري ايه المشكله
علي:يا ستي هوا انا قولتلك حاجه خليكي فيه
وفجاه جائت هايدي مسرعه:معلش يا حبيبي لازم امشي لحسن اخويا جاي للبيت ولوملقنيش هتبئه مصيبه
علي:طب استني اوصلك
هايدي:لالا انا همشي لوحدي
ولم تعطه فرصه وذهبت
علي: يلا نمشي
شعرت جنات بانه متضايق
جنات وهيا تقود:تحب اوديك فين
علي باحباط:اي مكان
وبعد نصف ساعه:انتي ودتيني فين
جنات بابتسامه:ايه مش عجبك
علي:المكان ده ريحته وحشه
جنات:اصل انا جعانه فا قولت نروح للمحل ده اصلي بحب اكل عنده
علي: طب يلا ادخلي انا هقعد في عربيتي
جنات بخ/بث:ماشي بس مضمنلكش حد يس/رقك اص المكان ده كله بلطجيه
شعر علي بتوتر وخرج من سيارته بسرعه ولحق بها
جنات :وهيا تجلس
جنات:حماده
حماده وهوا ياتي اليها:ليكي وحشه يا استاذه
جنات:وانت كمان اديني بئه طبق كشري وزود الشطه
حماده:من عنيا
علي وهو يشعر بشماذاذ من المكان
جنات:اطلبلك
علي:لاء
جنات: علي راحتك
وبعد خمس دقائه احضر حماده طبق الكشري
وبدات تاكل جنات بشراسه
علي :براحه شويه هوا الاكل هيطير في حاجه اسمها اداب الطعام
جنات:تذوق
علي بتردد:لاء
جنات:ثق فيا
واعطته الملعقه
علي وهوا متردد اخذ منها الملعقه وذاق ملعقه
علي:واااو طعمه حلو جدااا
جنات ابتسمت:حماده طبق تاني للبشمهندس
علي:وذود الشطه يا حماده
جنات:ههههه
واول ما انتهت جنات من طبقها جاء طبق علي وبدء الاكل
جنات:هوا الاكل هيطير في حاجه اسمها اداب الطعام
مش ده كلامك
علي وكأنه لم يسمعها
قامت جنات من مقعدها
علي:رايحه فين
جنات:هغسل ايدي وادفع الحساب
علي وهوا ياكل:متتاخريش
جنات:حاضر
ذهبت لتغسل يدها ودفعت الحساب وعندما جاء لها باقي الحساب
انصدمت من الذي تراه كان مكتوب علي العشر جنيهات الفتي الوسيم
جنات:مش معقول

الفصل الخامس
جنات:مش معقول يكون هوا نفس الشخص
:هوا مين ده
نظرت جنات ورائها ووجدت علي ينظر اليها باستغراب
جنات:ها لا ولا حاجه يلا عشان ارجعك البيت
علي:يلا
كانت جنات تقود السياره في صمت فقد نسيت ان تزور اباها فقررت ان تذهب لزيارة اباها بعد ان توصل علي وبعد عشر دقائق وصلل لفلته وكانت مبهوره بجمال الفيلا الخارجي
جنات:امسك المفاتيح اهي
علي:متشكر
جنات:سلام
علي:استني
جنات:نعم
علي:خدي البلوزه دي هايدي نسيتها
جنات:طب وانا مالي اخدها ليه
علي:عشان هيا مخدتهاش
تعصبت جنات:انت فاكرني شحاته بتعطف عليها
علي:لاء مش كده لكن….
جنان:سلام ولم تعطه فرصه وذهبت
جنات في نفسها:الاهي يا رب يجيلك و/جع في بطنك ويجيلك امساك
وبدات جنات الجري الي المستشفي ودخلت الي غرفة ابيها كان ابيها في غيبوبه
امسكت جنات بيده
جنات:طولت كده ليه
ليه جـ,ـرحت ماما وعذبتني…. طب عجبك الي بتعمله فيا مرات ابويا
هاااه الله يرحمك يا ماما شوفت بئيت بشتغل ومبقتش عارفه حتي اروح الجامعه
ظلت تنظر اليه والد.موع تخرج من عيناها بدون توقف
جنات:انا بجد تعبت ليه عملت فيا كده
خرجت جنات من الغرفه وذهبت للدكتور
الجنات:السلام عليكم
الدكتور:وعليكم السلام ورحمة الله وبركاته
جنات:ايه حالة ابويا يا دكتور
الدكتور:اطمني هيا حالته مستقره بس الي مش قادر اعرف سببه هوا ليه في غيبوبه من رغم ان مفيش اي اثار علي راسه تقوله انه انضر*ب علي راسه
جنات:قصدك تقول ان حا/دثة العربيه مش هيا سبب غيبوبته
الدكتور:ده الي انا معتقده لكن مش متاكد
جنات سرحت لم تدري ماذا تفعل
الدكتور:حضرتك معايا
جنات:هاا اه معاك
الدكتور:طب حضرتك لسه عليكي فلوس مدفعتهاش للمستشفي
جنات:انا هنزل ادفعها دلؤتي
نزلت جنات لتدفع الحساب وذهبت وهيا تتمشي الي منزلها
وعندما رجعت
سميه:في بنت محترمه تتاخر لحد دلؤتي
جنات:ملكيش دعوه
سميه:اظاهر امك معرفتش تربيكي
وقفت جنات عن المشي:انتي قولتي ايه
سميه:قولت ان امك …. ولم تكمل جملتها حتي وجدت بوكس في عيناها
جنات:اخر مره تجيبي سيرة امي علي لسانك
وقعت سميه من قوة البوكس وهيا تشعر بالام كبير في عيناها ودخلت جنات غرفتها وهيا تبكي من كثر الضغط والظ/لم التي تتعرض له
تاني يوم صحيت جنات علي الساعه اربعه صلت ولبست ونزلت وقبل ما تخرج شافت الصاله النور منور فيها فا دخلت الصال وشافت اختها ياسمين وهيا تمسك الموبايل وكان واضح انها تكتب عليه
جنات:انتي بتعملي ايه
ياسمين فزعت:هاا لا ولا حاجه
جنات بدون تصديق:طيب انا خارجه
يلسمين:رايحه فين
نظرت جنات لاختها بنظرة برود ولم ترد عليها
وذهبت جنات مسرعه الي الفيلا وفتح لها احدي الخادم.ات دخلت جنات وهيا
تنظر للفيلا بانبهار كانت الفيلا بالداخل فخمه
ولكن لم يدوم انبهارها فا اندهشت عندما رات الخادم.ات يجرو مسرعين الي فوق
جنات وهيا تسال احدي الخادم.ات:هوا في ايه
الخادمه:علي بيه بطنه بتو/جعه من الساعه ثلاثه
جنات تذكرت وقت ما كانت تدعي عليه بانه يجيله مغز فا ضحكت في سرها
الخادمه:حضرتك مين
جناته:انا حارثته الشخصيه
جنات:طب بعد اذنك اتفضلي معايا فوق
تصعد جنات فوق وهيا تفتح عيناها علي اخرهما
من كثر فخامة المكان
الخادمه:بعد اذنك خليكي واقفه علي باب الاوضه لحد ما يطلع
جنات:اوك
وفي الغرف كان علي يتالم كثيرا

علي:ااااااااااه الحقووووووووني
الخادمه يا فندم ممكن نودي لحضرتك المستشفي
علي:لاء مش قادر انا هروح الحمام
خرج علي ووجد جنات واقفه وتبتسم ابتسامة نصر
علي بعصبيه:انتي السبب كله منك كله من الكشري الزفت الي اكلتهولي
جنات:هوا انا اجبرتك تاكله
علي يقلد صوتها:ذوق ثق فيا مش انتي الي قعدتي تزني علي وداني عشان اكل
جنات تحاول تكتم ضحكتها علي شكله:مانا اكلت انا كمان والحمد الله زي الفل اهو ومجراليش حاجه
علي:انتي بطنك متعوده علي الحجات المقرفه دي
جنات:متنساش ان القرف ده انت قعدت تاكل فيه امبارح وقولت عليه طعمه حلووو
علي:انا اما وريتك انا ها…..
ولم يكمل جملته وذهب مسرعن الي الحمام
جنات:الحمد الله احسن
وبعد ساعه اصبح علي افضل
علي:حسبي الله ونعم الوكيل
كانت جنات سترد عليه ولكن جاء استاذ فريد
فريد:صباح الخير
جنات وعلي:صباح النور
فريد:جنات تعالي معايا ثواني
علي يقول بصوت منخفض:اكيد هيسالك عني طبعن عارفه هتقوليله ايه
غمزت له جنات مبتسمه:متقلقش
وذهبت وراء فريد
فريد:ها كل حاجه ماشيه تمام
جنات:تمام كل حاجه كويسه
فريد:طيب خدي الفلوس دي
جنات:بس انا هاخد منه فلوس
فريد:خديها منه برضه
جنات:لكن كده كتير
فريد:مش كتير ولا حاجه لكن اياكي تقوليله انك مش هتكوني معاه غير شهرين
جنات:متقلقش حضرتك
فريد طب يلا تعالي ورايا
جنات:حاضر

الفصل السادس
ذهبت جنات وراء فريد بيه وكان علي في نفس الوقت يضع اذنه وراء الباب لكي يحاول يسمع شئ ولكنه لم يستطع ان يسمع اي شئ واول ما فتتح فريد الباب ابتعد علي وكانه لم يفعل شئ
فريد:يلا ننزل عشان نفطر
علي:حاضر
وكانت جنات ستنزل ولكن امسك علي بذراعها فا نااظرته بنظرة غ/ضب وتهديد فابعد يده
علي:قالك ايه
جنات:سالني علي اخبارك بتروح فين وبتكلم مين
علي:وانتي قولتيله ايه
جانت:قولتله الي كنت عايزني اقولهوله
علي بارتياح:ماشي يلا انزلي ورايا
واثناء الفطار
فريد:علي انت مش هتروح انهارده الشركه
علي باستغراب:ليه
فريد:هتروح المطار تجيب عماد اخوك هوا قال انه هيرجع انهارده الساعه اتنين
علي:اوففف ماشي
فريد:ايه مش عاجبك كلامي ولا ايه
علي :لا ابدا اروح اجيبه
ملحوظه عماد يكون الاخ الاكبر لعلي
فريد:يااه انا اتاخرت انا هروح الشركه وانت من الساعه واحده تكون في المطار
علي:حاضر
ذهب فريد الي عمله
جنات:باستغراب اول مره اعرف انك عندك اخ
علي:اديكي عرفتي صحيح انتي ليكي اخوات
جنات:ايوه
علي:حلوين؟؟
جنات:نعم قصدك ايه
علي:لا مقصدش
وقف علي من مكانه واقترب منها
علي:لكن فين باباكي ومامتك
جنات ارتبكت:موجودين اكيد
علي:وهما مبيشتغلوش
جنات:انت مالك انت هتحقق معايا
علي:ما تتكلمي عدل انتي ناسيه انك شغاله عندي
جنات: طب انا بئه مش هتكلم عدل قولي بئه هتعملي ايه
علي:هخصم مرتبك
جنات:ماشي وانا بئه اتصل بفريد بيه وقوله علي للتمثيليه
علي:انا الي جيبته لنفسي اخلص من تهديدات بابا ادخل في تهديداتك
جنات:احمد ربنا واحده غيري كانت فضلت تطلب منك زياده في المرتب كل شويه مقابل انها تسكت
علي يبـ,ـوس ايده وش ودهر:الحمد الله دانتي مفيش منك اتنين ده انتي براءه
جنات:انت بتتريق
علي:اومال يعني بتكلم بجد
تعالي معايا

طلع علي فوق ووراه جنات
علي وهوا يدخل الغرفه كانت جنات ستدخل وراؤه
علي:انتي رايحه فين
جنات:مش قولتلي اجي وراك
علي:اقصد تيجي ورايا لغاية الاوضه وتفضلي واقفه بره ولا انتي بالنسبالك عادي كده تدخلي اوضتي
جنات شعرت بالاحراج وخرجت بدون ان تتكلم
لبس علي تيشرت اسود وبنطلون جينز وخرج شعرت جنات باعجاب بشكله ولكن لم يؤثر هذا فيها
علي:يلا ورايا
جنات:استني هنا
علي:في ايه
جنات:هتروح المطار من دلؤتي والساعه لسه عشره
علي:لاء رايح معاد لواحد صاحبي
جنات:اه اوك
نزلت جنات وفتحت لعلي باب السياره ثم ركبت لتقود ووصلو الي كافيه
علي:احم احم
جنات:في ايه
علي:هفتح انا لنفسي الباب ولا ايه
جنات:اوفف
نزلت جنات بعصبيه وفتحت له الباب واول ما خرج من الباب قفلت الباب بقوه حتي هوا فزع من شده القوه
كان طارق ينطظره في هذا الوقت
علي:ازيك عامل ايه
طارق وهوا يقف ليسلم عليه:الحمد الله ليك وحشه
علي:وانت كمان
طارق ولاحظ الفتاه التي ورائه
طارق يهمس لصديقه:مين العسل ده
علي:دي البودي جارد
طارق فتح عينه علي اخرهما:انت بتهزر
علي:لاء بتكلم جد
طارق:انت مقولتليش ليه انها جميله قعدت بس تقولي دي واحده مبهدله في نفسها لحد ما افتكرت ان شكلها دراكولا
علي:عجباك اشبع بيها
طارق:بجد يعني تسلفهالي يومين كده
علي:ورينا شطارتك يا كذا نو.فا
وقف طارق من مكانه واتجه نحوها
وعلي يراقبه
طارق وهوا يمد ايده ليسلم عليها:اذيك انا طارق صاحب علي
جنات:مبسلمش علي ولاد
رجع طارق يده وهوا يشعر بالخجل
طارق:احم طب ما تقعدي احسن من الوقفه كدا
جنات:انا مرتاحه كده
طارق:ممكن اعرف اسمك
جنات:لاء
طارق:ليه خايفه ولا ايه
جنات:لاء مش خايفه بس لو شايف اني خايفه فا دي مشكلتك مش مشكلتي
عصب طارق من طريقتها:انتي مالك شايفه نفسك اوي كده ليه ده انا ممكن اخلي علي يرفدك
جنات:هههه لو راجل خليه يرفدني
رجع طارق بعصبيه
طارق وهوا معلي صوته حتي يسمعها:علي ارفد البنت دي دلؤتي لانها قلت ادبها عليا
علي بياس:مقدرش والا هتروح تقول لابويا علي التمثيليه الي جبتها عشانها
ناظرته جنات بنظرة انتصار
واحرج طارق منها:يعني انت لبست
علي:كنت فاكر هتحكم في كل حاجه بس انا الي خليت بنت تتحكم فيا
طارق وهوا يخفض صوته حتي لا تسمعه جنات:طب وبعدين كده البنت ممكن تسوق فيها ومترداش تسيب الشغل خالص وتفضل البودي جارد علي طول