نسيم العشق الجزء الثالث يارا عبدالعزيز

 

حنين بخوف :- ليه فيه حاجه هو انا عندي مرض خطير

كريم ببأبتسامة :- لا بس لازم اقولهم ياخدوا بالهم منك شوية عن كدا لانك عندك نقص حاد في الحديد وانيميا وانا من واجبي كدكتور اعرف اهلك دا و اقولهم المفروض يعملوا ايه

حنين: تمام

وقتها كريم دخل مع حنين بص لعاصم بصدمة شديدة

كريم :- بابا انت بتعمل ايه هنا انتوا بتعملوا ايه هنا

عاصم بغضب و جدية :- اطلع منها انت انا اللي يبعدني عن امك افعـ..صه انا هاخد مراتي غصبن عنك والا والله ميكفنيش اقتـ ..لكوا كلكوا

عيسى :- مش هتقدر تعمل حاجة

كريم :- هو فيه ايه ماما انا مش فاهم حاجه انتوا بتعملوا ايه هنا

مصطفى بغضب :- هي سايبة يا جدع انت سيبه احسن ما والله هبلغ الشرطة تيجي تاخدك

عاصم حط ايده على المسـ ..دس

كامل بصوت عالى و خوف شديد على عيسى حس انه مكنش قدامه اي حل غير كدا لانه عارف عاصم كويس و عارف هو اد ايه بيحب فريدة و ممكن يفـ عـص اي حد يقف فى طريقه او يبعده عنها

:- متعملش حاجه تندم عليها

عاصم :- الحاجة الوحيدة اللى ممكن اندم عليها هو لو خرجت من هنا من غير مراتي

فريدة:- هخرج معاك و هعمل كل اللى انت عايزه بس سيبه ارجوك

عيسى :- على ج*ثـ ..تـي لو خرجتي معاه احنا صعايدة و دمنا حامي و استحالة اسيبه ياخدك وانتي مش عايزة

عاصم :- يبقى تتشا’هد على روحك بقى يا ابن الجبالي

كان لسه بيضغط على زر المسـ.. دس

فجأة كامل اتكلم بصوت عالى جدا و خوف شديد على عيسى

: هتقـ ..تل ولدك

يتبع………….22

 

كامل:- هتـ قـ*تل ولدك

نزلت الجملة كالصاعقة على كل الموجودين

عاصم :- ابن مين يا جدع انت انت شكلك كبرت و خرفت ولا ايه

فريدة بلهفة و بكاء وهي بتروح تقف قدام كامل

:- ابنه ازاي يا حاج كامل عيسى يبقى ابن عاصم ازاي عيسى يبقى ابني صح

كريمة:- ابنك ايه يست انتي عيسى يبقى ابني انا

فريدة اتجاهلتها و اتكلمت ببكاء و بعض الامل

:- ابوس ايدك اتكلم عيسى هو الولد اللي حاطته قدام باب جامع من ٢٨ سنة صح

كامل :- ايوا هو نفسه عيسى هو نفس الولد من ٢٨ سنة كريمة كانت بتولد اول حفيد لعيلة الجبالي بس الولد نزل ميـ.ت انا حطيت عيسى مكانها كبرته و ربيته خليته عمدة البلد و نائب ديرتنا عيسى من حق عيلة الجبالي وبس

فريدة بلهفة جريت على عيسى و حضنته بحب و عمق

:- و الله كنت حاسه من اول مره شوفت صورتك فيها كنت حاسة ان بيربطني بيك رابط قوي

عيسى بعدها عنه بجمود ، راح وقف قدام كامل

عيسى :- بتهزر صح قول يجدي انك بتهزر انا ابنهم ازاي

كامل : هي دي الحقيقه يا ولدي انت اول ولد لعاصم و فريدة

عيسى بصدمة:- ايه انتوا بتقولوا ايه

فريدة:- انت ابني يعيسى ابني و ابن عاصم انا اللى حطتيك قدام باب جامع و انت عمرك ايام كان غصبن عني و الله

عيسى بعصبية:- ليه رمتيني ليه لحظة كنت نتيجة علاقة محـ ..رمة ما بينكوا صح

فريدة:- كان غصبن عني و الله و الله كنت بتقـ..طع طول السنين اللي فاتت وانت بعيد عني يبني

عيسى بعصبية مفرطة:- انا مش ابنك اليوم اللي جالك قلب فيه و رمتيني بقيت مش ابنك و كامل بيه انت مفكرتش طول السنين اللي فاتت تقولي الحقيقة كنت عارف انهم بيدوروا عليا و مع ذلك مقولتليش كل واحد فيكم كان اناني كل واحد فيكم فكر فى نفسه و بس من غير ما يهتم بيا

عاصم :- فريدة ملهاش ذنب انا السبب انا اللي اجبرتها بتصرفي تعمل كدا

عيسى بصله و ابتسم بسخرية ، راح ناحية جنة

عيسى:- ياا تيجي معايا ياا تفضلي هنا و هبعتلك ورقة طلاقك

اللهم صل وسلم وبارك على سيدنا محمد وعلى اله وصحبه اجمعين 🤎

جنة :- عيسى انت بتقول ايه

عيسى :- انا قولت كلامي يجنة وانتي عليكي تختاري

جنة :- هاجي معاك

طلع عيسى الاوضة و جنة طلعت وراه

كريمة ببكاء :- ابني ما.ت يابا الحاج

كامل :- و الله أنا ما ناقص يكريمة

فى اوضة عيسى و جنة

عيسى بجدية:- حضري الشنط بسرعة

جنة : طب ممكن تفكر شوية

عيسى بغضب :- جنة

جنة بخوف :- تمام

بعد ربع ساعة كان عيسى نازل بشنطته هو و جنة

كامل :- هتسيب جدك يعيسى

عيسى : انا ممنوك انك خدتني و ربتني فى الوقت اللي اهلي الحققين اتخلوا عني يا كامل بيه

كامل بدموع : انا مش بيه عيسى انا جدك و هفضل طول عمري جدك

عيسى بغضب و قـ’ع التربيزة اللي كانت جنبه بغضب

:- انا مش ابن حد انا واحد جيه نتيجة غلطة ابوه و أمه ندموا فقرروا انه يخـ’لصوا منه فرموه

فريدة:- متسبنيش يعيسى انا ما صدقت لاقيتك متقساش عليا انا والله كان غصبن عني مكنتش عارفه اعمل ايه وقتها سامحني و خلينا نعيش انا و انت و اخوك فى سعادة

عيسى :- اخوك و امك و ابوك اقوي تلت علاقات فى الدنيا انتوا دمرتوهم بسبب انانيتكم انا مش عايز منكم حاجه سبوني فى حالي بقى كفاية عليا اللى انا فيه بسببكوا

راح عند كريمة

عيسى :- شكرا لانك ادتيني حنية الام اللي لولاكي انا مكنتش عمري هلاقيها برغم انك مش انتي اللي خلفتني ولا حتى رضعتني لاني كنت رافض الا انك ادتيني الحنية اللي امي اللى انا من دمها معرفتش تديهلي ابنك ممـ..تش ابنك لسه موجود لو احتاجتيه فى اي وقت

كريمة:- انت ابني غصبن عن اي حد

ابتسم ابتسامة خفيفة عكس اللى جواه من وجع و الم

حضن مصطفى بحب و عمق و اتكلم بهمس

:- خلي بالك من نفسك و من ابنك و مراتك

مصطفى:- خليك يعيسى متمشيش

عيسى :- انا هفضل على طول جنبك

عيسى :- يلا

جنة خرجت وراه

حنين :- خليك عشان خاطري يا ابيه

عيسى :- حلوة كلمة ابيه منك يحنة متبطليش تقوليها

خرج و معاه جنة من الڤيلا كلها

كريم :- ماما عيسى اخويا ازاي انا مش فاهم حاجه

فريدة:- مش وقته يا كريم انا مش قادره اتكلم في اي حاجه دلوقتي

استغفر الله العظيم الذي لا اله الا هو الحي القيوم و اتوب اليه 🤎

عاصم :- اهدي يا فريدة

فريدة بغضب :- انت السبب انت السبب فى كل اللي انا فيه ابني كرهني بسببك طلقني يا عاصم انا مبقتش طايقك طلقني بقى خلاص كريم عرف كل حاجه انا بكرة الصبح هروح اقعد فى بيت اهلي ورقة طلاقي توصلي فى اقرب وقت

قالت كلامها و طلعت الاوضة و هي منهارة من العياط

مصطفى:- هدوء عيسى قلقني خايف يعمل حاجة فى نفسه كامل :- عيسى اعقل من كدا

حس بدوخة و كان هيقع لولا ايد مصطفى اللي مسكته

مصطفى: جدي انت كويس

كامل :- ايوا يا ولدي انا طالع اوضتي

مصطفى:- طب استنى اطمن عليك

كامل :- انا كويس

فى عربية عيسى

جنة : عيسى انت كويس

عيسى :- اها و مش عايزة اتكلم فى الموضوع يجنة

جنة :- تمام

بعد اربع ساعات كانوا وصلوا القاهرة ، وصلوا للڤيلا فى مكان هادي و شبه مهجور

عيسى:- اطلعي انتي نامي الوقت اتأخر

جنة :- مش هتنام

عيسى :- لا و يا ريت متجادليش يجنة و اطلعي

جنة :- تمام

راح الجنينة و خلـ”ع قميصه نزل حمام السباحة ، بعد شويه طلع ، جنة بصيت عليه من البلكونة خدت فوطة و نزلت ، كان قاعد على حافة حمام السباحة ، جنة جت من ورا ضهره و حطيت الفوطة على ضهره ، شال الفوطة و هو بيتنهد بحزن ، قعدت جانبه و مسكت ايده بحب

:- البس القميص الجو برد هتتعب

عيسى :- اطلعي يجنة

جنة : مش هسيبك و انت كدا اتعصب يعيسى عيط قول اي حاجه متخبيش جواك

عيسى :- يا ريت اعرف انا ضايع بقيت حاسس ان وجودي فى الدنيا مش فارق طلعت ابن عاصم النويري عدوي انا تعبان تعبان اوي

خدته جوا حضنها بحب و طبطبت عليه

:- فترة و هتعدي باذن الله

عيسى بدموع و هو فى حضنها و حاطط رأسه على كتفها

:- يا ريت كنت انا اللي مو..ت احسن ما كنت اترمي على باب جامع و انا لسه عمري ايام كنت بسمع عن الاطفال اللي بيتلقوا فى الشوارع و على أبواب الجوامع مكنتش اعرف اني منهم

كمل و هو بيبكي زي الطفل:- طلعت بتوجع اوي كلهم انانين كلهم فكروا فى نفسهم يا ريتها كانت دفنـ”تني بالحيا ولا عملت فيا كدا هي و جوزها انا بكرهم استحالة اقبل بيهم

جنة :- خلينا منفكرش فى الموضوع دا دلوقتي اهدى و خد قرارك

لا حول ولا قوة الا بالله العلي العظيم 🤎

خرج من حضنها بصتله بحب ، مسحت دموعه ، قبلت خده مكان دموعه

جنة بحب و همس وهي بتمسك ايده:- انا جانبك

دفن راسه فى عنقها بتلقائية ، طبع قبلة صغيرة عليه ، اتنفضت بخجل

عيسى بعد بصعوبة:- انا اسف

قام وقف مسكت ايده و قفت و خلعـ..ت الروب بتاعها ، حطيت راسها على صدره بخجل و مسكت ايده ، شالها برفق و توهان فيها و دموعه اللي بليت رموشه الكثيفة ، دفنـ’ت رأسها فى عنقه بخجل ، طلعوا الاوضة ، حاطها على السرير برفق ، راح قعد جانبها ، مسك ايديها و قبل كف ايديها بحب

عيسى :- نامي يجنة

اتعدلت و حطيت ايديها على رقبته و حطيت بأيدها التانيه على شفايفه فى حركة خليت كل حصونه تتفك

عيسى بهمس : محتاجك اوي يجنة

جنة : وانا جانبك يعيون جنة

قرب منها و فـ”ن رأسه فى عنقها و اصبحت جنة زوجة عيسى قولا و فعلا

يتبع……….23

 

صحي عيسى من نومه و هو حاسس بشئ خفيف على صدره ، لاقى جنة لسه نايمة شال راسها من عليه برفق ، جه يقوم وقفه صوت جنة

جنة بنوم و هي مفتحة عينيها نص فاتحة :- رايح فين يحبيبى

عيسى :- هطلع شوية البلكونة

جنة بنوم و هي بتمسك ايده وبتتاوب:- طب بالله عليك البس القميص أو اي حاجه الجو برد و هتتعب

عيسى :- متخافيش يجنة انا متعود

باس راسها بحنية و حب :- تصبحي على خير

قام وقف فى البلكونة ، بص للسما و اتنهد نزلت دموعه وهو مش مصدق اللي حصل اتمنى لو يكون كابوس هيصحى منه قريب ، جت جنة من وراه و حضنته من ضهره ، مسك ايديها و هو لسه باصص للسما

عيسى :- صحيتي ليه يحبيبتى روحي نامي

جنة :- مش بحب اشوفك مضايق

عيسى :- شكراً

جنة :- على ايه

اتعدل و بصلها فى عينيها و اتكلم بأمتنان و حنية

:- عشان جيتي معايا و عشان بتحاولي على اد ما تقدري تسعديني انا عارف ان مشاعرك لسه متخلبط و مع ذلك سمحتيلي اقرب منك لانك عارفه ان دا هيفرحني و اسف عشان كنت اناني معاكي

جنة :- عيسى انت جوزي انا اللي اسفة اني بعدتك عني طول الفترة اللى فاتت انت مغصبتنيش على حاجه

ابتسم ابتسامة خفيفة اظهرت وسامته اللي جنة بتعشقها

جنة و هي بتحط راسها على صدره:- انا هفضل طول الوقت معاك يعيسى و هنعدي الفترة دي سوا

عيسى :- ربنا يباركلي فيكي

فجأة فون جنة رن

جنة بأستغراب:- مين بيرن فى الوقت دا هروح اشوف ماشي

عيسى :- اكيد حد منهم

دخل الاوضة و بص فى الفون لاقى فريدة فصل المكالمة و قفل فون جنة

جنة :- طب نشوفها عايزة ايه طيب

عيسى :- انتي مش هتردي على حد منهم يا ريت لو تسيبي موبايلك مقفول احسن

جنة :- تمام بس مضايقش نفسك ماشي

عيسى :- تمام

لا حول ولا قوة الا بالله العلي العظيم 🤎

فريدة بدموع :- ردي يجنة عايزه اطمن عليه بس

سمعت صوت الباب بيخبط ، راحت تفتح لاقيت عاصم

فريدة:- انت لسه ممشتش لحد دلوقتي

عاصم:- الحاج كامل قالي ابات هنا الليلة

فريدة:- تمام اتفضل امشي من هنا بقى

عاصم :- ممكن تسمعني طيب

فريدة:- مش عايزة اسمع منك حاجه يا عاصم و لو سمحت بقى كفاية عليا كدا انا استحملت بما فيه الكفاية طلقني يا عاصم

عاصم :- انا عارف انك مضايقة عشان عيسى انا هعرف هو فين و هروح اتكلم معاه هو بس عشان مصدوم محتاج شوية وقت اديني فرصة يا فريدة فرصة واحدة اثبتلك فيها اني بجد بحبك و مش عايز من الدنيا غيرك انتي و ولادي الاتنين

فريدة بغضب:- انت بجد مش مستوعب اللي احنا فيه انا ابني اللي بقالي سنين بدور عليه كرهني بسببك يا عاصم اليوم اللى لاقته فيه بدل ما اخده فى حضني و مسبوهش ابدا هو قرر اني مش أمه و مشي و كل دا بسبب اللي انت عملته انا خسرت ابني للمرة التانية بسببك بسببك دلوقتي عيسى موجوع و تعبان انت واحد اناني يا عاصم كل اللى انت عايزاه انك متبقاش لوحدك المهم انت و الباقي مش مهم انا و لا ولادك مش مهم انا بقيت بكره نفسي عشان فى يوم من الايام حبيت واحد زيك

عاصم :- ليه ديما بتظلمني و تتهمني اني معنديش قلب انا كمان تعبان زيك انا كمان بيهمني أمر ولادي بطلي طول الوقت تعاقبني على غلطة عملتها من زمن

فريدة بصوت عالى:- الغلطة دي احنا بندفع تمانها لحد دلوقتي عايزني اسامحك يا عاصم تبقى ترجعلي أبني تخليه يسامحني هتقدر تعمل دا ما ترد يبقى متجيش تطلب مني اسامحك و اتفضل اطلع برا بقى

عاصم :- اوعدك اني هحاول على اد ما اقدر بس سامحني انا مقدرش اعيش من غيرك متحكميش عليا بالاعدام اديني فرصه

فريدة و هي بتعقد على الكنبة و بتعيط

:- انا تعبت و الله العظيم تعبت حاسة ان روح بتروح مني ببعد ابني عني

عاصم راح قعد جانبها و حط ايده على كتفها بحنية

:- اهدي

لاقيت نفسها بتدخل جوا حضنه و بتمسك فيه بقوة و بتعيط بشدة:- خليه يسامحني نفسي اخده فى حضني و اسمع منه كلمة ماما اعرف مكانه فين و روح قوله امك بتتـ قـطع و انت بعيد عنها خليه يعاقبني اي عقاب غير انه يبعد عني

عاصم :- هيرجع هيرجع باذن الله

فريدة ببكاء:- يا رب

اللهم صل وسلم وبارك على سيدنا محمد وعلى اله وصحبه اجمعين 🤎

كريم كان واقف على الباب ، استأذن من كامل يعقد معاهم لحد اما يطمن على أمه كان رايح اوضتها عشان يفهم الموضوع بس وقف قدام الباب اما لاقى عاصم موجود بصلها بحزن كبير على حالتها و مشي

نور كانت فى المطبخ بتجيب مياه عديت من قدام اوضة مصطفى لاقته قاعد و دافـ..ن رأسه بين أيديه و باين عليه التعب و الإرهاق ، دخلت الاوضة و هي خايفة عليه

نور :- انت كويس ؟

مصطفى بأرهاق :- امشي

نور بدموع:- ماشي

كانت لسه هتمشي بس مسك ايديها ، وقعها عليه و قعدها على رجله

مصطفى:- مش قصدي حاجه عشان تعيطي على فكرة

نور :- امممم انت غريب اوي يمصطفى ساعات بحسك بتحبني و عايزني و ساعات تانية بحسك مش طايقـ..ني بجد

مصطفى و هو بيحاوط بأيده رقبتها و بيدفـ…ن رأسه في عنقها ، اتكلم بحنية مفرطة

:- لسه زعلانة مني

نور :- قلبي مش عارف يكرهك حتى بعد كل اللى عملته مش عارفه خالص

مصطفى بهمس :- نامي فى حضني انهاردة يا نور ممكن

نور :- غصبن عني خايفة منك

مصطفى:- ياا تفضلي جانبي على طول ياا تبعدي على طول

نور بدموع:- يعني انت مش عايز ابقى معاك طب طلق

مصطفى حط ايديه على فمها بحب :- هششش بطلي تفسري كلامي على مزاجك انا مقلتش كدا بس انا خايف عليكي

نور بخوف :- انا هنزل اجبلك عصير انت باين عليك تعبان اوى

مصطفى بحب :- مش عايز خليكي معايا و بس مش محتاج غيرك

نور :- تمام

شالها برفق و حاطها على السرير نام جانبها وهو بيسحبها لحضنه و بيحط ايده على بطنها و ذهبوا فى نوم عميق

حنين كانت قاعدة فى زواية فى الجنينة مفيهاش غفر ركن هادي كانت عامله هي و جنة كانوا بيعقدوا فيه ، كانت قاعدة على الأرض ، كريم كان ماشي فى الجنينة لحد اما لامحها قاعدة بتعيط ، راح قعد جانبها

كريم :- اهدي عشان متتعبيش

حنين بشهقات :- ابيه عيسى طلع مش اخويا

كريم بسخرية :- تخيلي طلع اخويا انا

حنين : انا نفسي يرجع اوي و يعيش معانا هنا هو و جنة و حشوني اوي

كريم : اكيد هيرجع مش هيعرف يبعد عنكم كتير

حنين ببكاء:- يا رب

بص لعينيها بحب لمعة عينيها اللي مليانة بالدموع اتكلم بتلقائية و توهان

:- انتي جميلة اوى يحنين

حنين بتوتر و خجل :- انا هقوم عن اذنك

جت تقوم قعد قصدها بسرعة ، بص لعينيها بحب

كريم :- تيجي نبقى صحاب

حنين :- فوق يا دكتور احنا مش هنا فى أمريكا اللي انت اتربيت فيها احنا فى مصر و مش اي مكان فى مصر احنا فى الصعيد

كريم بحب حس بمشاعر مختلفة عليه كان لسه هيقرب منها لاقى قلـ..م قوي يسقط على وشه

بصلها بصدمة و هو بيحط ايده على وشه مكان الضـ..ربة

حنين قامت بسرعه و اتكلمت بغضب و دموع

:- انت واحد قلـ..يـل الادب و مش متـ..ربي

قالت كلامها و قامت بسرعه من قدامه

بص لطفيها بضيق و غضب من نفسه

:- ايه اللى انا هببـ..ته دا غبي

استغفر الله العظيم الذي لا اله الا هو الحي القيوم و اتوب اليه 🤎

جنة كانت قاعدة فى حضن عيسى على السرير ، و كان ماسك ايديها ، و دفـ..ن رأسه فى عنقها

جنة :- عيسى

عيسى :- هممم

جنة :- انا عايزه اشرب عصير فراوله

عيسى :- دلوقتي

جنة :- اها ممكن تنزل تعملي لو سمحت

عيسى :- بكرة هبقى اعملك

جنة :- يعيسى يلا بقى

عيسى:- مش قادر ابعد و الله

جنة :- حاسة اني مهبطة و نفسي فيه

عيسى بخوف:- مالك

جنة :- انزل اعمله و هبقى كويسة باذن الله

عيسى و هو بيبعد بصعوبة :- ماشي

نزل عيسى ، جنة خدت فونها بسرعة فتحته و رنيت على فريدة

جنة بخوف :- ردي يطنط قبل ما يجي انا عارفه انها اكيد هتـ..مـوت من الخوف عليه لازم اطمنها لو جيه ولاقني بكلمها هيزعقلي جامد بس لازم اطمنها

فريدة بلهفة:- الو جنة حبيبتى انتوا كويسين صح عيسى كويس طمنينى عليه

جنة :- اه والله هو كويس متخافيش انا معاه انا اتصلت بس عشان

قاطعها الباب و هو بيفتح و دخول عيسى

يتبع………24

 

نسيم العشق

 

– وقعـ..ت التلفيون من ايدها بتوتر و خوف شديد من عيسى

فريدة بقلق :- الو الو جنة انتي روحتي فين

– عيسى قرب بهدوء ما قبل العاصفة مسك الفون و قفله نهائيا

عيسى بجمود :- هو مش انا قولت مترديش عليهم و تقفلي موبايلك تقومي انتي اللي تريني عليها

جنة بخوف شديد:- هو هو يعني

عيسى بغضب مفرط و عصبية ارعبت جنة بمعنى الكلمة

: هو ايه ما تنطقي

جنة بخوف و دموع :- و الله هي قلقانة عليك و بتحبك جدا هي من حقها كأم تتطمن على ابنها

– عيسى بغضب مفرط رمى الموبايل من ايده على الارض بقوة ليتـ..كـسر مليون حتة من قوة الوقـ..عـة

:- متقوليش امي دي مش امي و دا مش ابويا انا استحاااالة اقبل بيهم كأهل ليا و انتي من وجبك كزوجة انك تقفي جنب جوزك و تدعميه فى قراراته انما انتي بتعملي ايه بتخرجني برا الاوضة عشان تكلمي الست اللي رمـ..يـت جوزك قدام باب جامع و هو لسه عمره ايام مهمهاش ايه اللى ممكن يحصلي محدش فيهم هم الاتنين همه انا هعيش و لا همـ…وت كملت حياتها و جابت ابنها التاني كمل بدموع

: انما أنا ايه اللي حصلي دا مش مهم عندهم و دلوقتي انتي جاية تقولي امي و من حقها تطمن عليا

جنة بخوف من تحوله و فى نفس الوقت حاله صعبان عليها جدا :- انا آسفة يعيسى آسفة بس و الله

قاطعها و هو بيصـ…فعها بكل قوته ، بصتله بصدمة و خوف ، مسك معصم ايديها بقوة

:- و الله العظيم يجنة و الله العظيم لو اتكررت تاني لهكون مطلقك و بعتك لأهلك

– حسيت انها عجـ..زت عن الكلام من صدمتها لاول مرة في حياته يتكلم معاها بالطريقة دي لاول مرة يمـ..د ايده عليها ، حسيت انها ندمت انها جت معاه وانها كانت غلط لما سابت بيت اهلها ، جريت من قدامه بسرعة و هي مش طايقه ، دخلت الحمام و قفلت الباب عليها بالمفتاح ، راح ناحية باب الحمام ، خبط على الباب بقوة

عيسى :- افتحي يجنة و بطلي شغل عياال

جنة ببكاء:- عيال انت ضربـ..تني يعيسى انت مدرك انت عملت ايه

لا حول ولا قوة الا بالله العلي العظيم 🤎

عيسى :- انتي اللي عصبتني يجنة خلاص انا اسف افتحي

جنة بعصبية و صوت عالي:- مش فاتحة و اطلع برا الاوضة انا اصلا مش طايقك

عيسى :- طب افتحي و نتكلم تعالي اضـ..ربني و اعملي اللي انتي عايزاه فيا خدي حقك بس افتحي

– افتكرت كلامه و هو بيقولها انه هيطلقها بسبب غلطة هي شايفها من وجهة نظرها متستهلش حسيت هي اد ايه مش مهمة بالنسباله ، بدأت تفتكر كل حاجه حصلت معاها من اول موضوع مصطفى حسيت بألم و وجع شديد فى قلبها للمرة المليون تحس انها مش محبوبة و انها مجرد سلعة و حاجه عيسى كان و هيفضل مجبور عليها ، فضلت ترجع لورا و سندت على الدوش بكل قوتها ، كسرت الحنفية لتسقط المياه بغزارة عليها ، فضلت تبكي بشدة وهي صعبان عليها نفسها

جنة ببكاء:- حرام عليكوا ليه يعمل فيا كدا ليه يا ماما

عيسى بدموع :- طب افتحي و نتكلم انا اسف و الله

– بدأ ميحسش بصوتها خوفه زاد عليها و هو حاسس ان ضربات قلبه هتقف من خوفه ، كسر الباب بكل قوته ، بصلها لاقها واقفة تحت المياه ، راح عندها و وقف قصدها

عيسى :- جنة انا اسف

جنة بدموع:- انت مش بتحبني يعيسى صح انت قولت انك بتحبني وقتها عشان متزعلنيش و انت اصلا مش بتحبني

سحبها لحضنه و حاطه ايده على شعرها

:- اسف متزعليش مني غصبن عني تعالي نخرج من هنا عشان تغيري هدومك هتتعبي

جنة ببكاء: رد على سؤالي انت مش بتحبني صح

عيسى : انا بعشقك يا جنة

مسكت فيه بقوة و فضلت تعيط و كأنها كانت محتاجه حضنه عشان تطلع فيه وجعها

عيسى بحنية :- خلاص اهدي انا اسف كانت تنـ…قـطع قبل ما تتمد عليكي

جنة :- بعد الشر عليك

عيسى بحب وهو بيسند بجبينه على جبينها

:- بحبك

جنة بخجل :- و انا كمان

عيسى بهمس و لهفة :- و انتي كمان ايه

جنة بخجل :- صلح الدوش انا كسـ..رته من غير ما اقصد

– جت تمشي مسك ايديها و حضنها من ضهرها و دفـ…ن رأسه في عنقها اتكلم بحب و همس

عيسى :- و انتي كمان ايه يجنة انا سامعك

لافها ناحيته ، غمضت عينيها و هي بتتجنب النظر إليه

عيسى ببأبتسامة:- طب بصيلي طيب

بدأت تفتح عينيها تدريجياً لتظهر رماديتها ، بدأت تعطس بتعب

عيسى بخوف :- روحي غيري هدومك خدتي برد

جنة :- ماشي صلحها

عيسى :- تمام

خرجت من الحمام بخجل ، وقفت فى غرفة الملابس اللي جنب الحمام و غيرت هدومها ، بس كان شعرها لسه مبلول ، خرج عيسى جاب فوطة من الدولاب و بدأ ينشفلها شعرها ، بصتله بخجل و توتر

جنة :- هات و انا هنشفه

عيسى :- بحب شكله اوي و هو مبلول بس لازم تنشفيه عشان متتعبيش اكتر هنزل اعملك حاجه سخنة تشربيها تمام

جنة : تمام

بصيت المرايا بخجل :- هبلة يجنة مش عارفه تقوليله انا بحبك عيسى انا بحبك ما هي سهلة اهي ليه بيجي قدامه و مش بعرف اتكلم

– كريم فضل قاعد في الاوضة و هو بيـ..لـعن نفسه على اللي عامله

كريم :- اروح اعتذر منها لو روحت اوضتها اكيد هتفهمني غلط و ممكن تقول لحد من البيت طب اعمل ايه انا مش قادر استنى للصبح

– فتح موبايله و جاب صفحتها على الانستا لاقه برايڤت

كريم :- اعمل ايه طيب هو انا حاططها فى دماغي اوي كدا ليه انا هنام

استغفر الله العظيم الذي لا اله الا هو الحي القيوم و اتوب اليه 🤎

عيسى طلع الاوضة لاقى جنة قاعدة على السرير و متغطية و باين عليها بردانة ، راح عندها و حضنها بحب

عيسى :- اشربي الليمون و هتبقي كويسة باذن الله

جنة دفنـ..ت راسها في صدره بعمق

جنة :- انا مش بحب الليمون المغلي

عيسى :- لازم تشربيه يلا

جنة بنوم :- عايزه انام يعيسى

قالت كلامها و ذهبت فى نوم عميق ، بصلها بحب تتنهد بحزن ونام هو كمان

فى الصباح في قصر الجبالي

– مصطفى صحي و هو حاسس بألم شديد فى رأسه ، حط ايده على راسه بتعب ، مسك الكوباية الازاز اللي كانت جانبه على الكمودينو و كسـ..رها فى ايده ، بص لنور برغـ..بـة

مصطفى بصوت عالى و غضب

:- نور

اللهم صل وسلم وبارك على سيدنا محمد وعلى اله وصحبه اجمعين 🤎

صحيت منفوضة من شدة صوته ، بصيت لايده لاقتها بتـنـ..زف ، مسكت ايده بخوف

نور : مصطفى ايه اللي حصل

مصطفى بعصبية:- اطلعي برا الاوضة قومي يلا

نور بخوف جريت جابت علبة الإسعافات ، مسكت ايده ، بعد ايده بتعب

مصطفى:- بقولك امشي امشي اطلعي برا الاوضة

نور :- ايدك بتنـ..زف اوي تعال معايا نحطها تحت الميه

مصطفى:- و انتي مالك

مسكها من ايديها بقوة و طلعها برا الاوضة و قفل الباب

نور بخوف :- طب هشوف ايدك و امشي

حط ايده على راسه بتعب شديد و فضل يكـ..سر فى كل حاجه في الاوضة ، راح ناحية الدولاب و رمى كل الهدوم على الارض و هو بيدور على الازايز بس ملاقاش حاجه

مصطفى بغضب :- عيسى عيسى اكيد خدهم طب اعمل ايه انا مش قادر

نور من الخارج خبطت على الباب

نور بخوف :- يمصطفى افتح طب عقمها انت طيب متسبهاش كدا

اتجمع على صوتها كل البيت

كامل :- فيه ايه يبتي

نور بخوف و بكاء:- مصطفى تعبان و مش راضي يفتحلي خلي حد يكـ..سـر الباب انا خايفه عليه

صفاء بخوف :- مصطفى يبني افتح

– بدأ يحس بالدنيا بتلف بيه ليفقد توزانه و يسقط أرضا مغشيا عليه.

يتبع……..ق25

 

نسيم العشق

 

ضربات قلوبهم بدأت تقف من قلقهم عليه و خصوصاً لما مسمعوش اي صوت جاي من الاوضة بعد ما كانوا سامعين صوت تكـ…سـير

جيه كريم و فريدة و عاصم على الصوت ، قرب عاصم من الباب و دفعه بكل قوته و كسـ..ره ، انصدموا اما لاقوا مصطفى و اقـ..ع على الارض مغمى عليه و ايده بتنـ..نـزف

جريوا عليه بسرعة و خوف شديد

كريم :- نز..ف.م كتير و نبضه بيضعف لازم يروح المستشفى فوراً

صفاء ببكاء:- يحبيبى يبني ايه اللى حصل لكل دا

كملت و هي بتبص لنور و بتتكلم بغضب

:- اكيد انتي السبب اكيد انتي اللي زعلتيه

كامل بغضب:- مش وقته يا كريمة خلينا نسنده يبني للعربية تحت و نوديه المستشفى

كريم :- تمام

سندوه عاصم و كريم و كامل ، نزلوا بيه تحت ركبوا العربية و انطلقوا للمستشفي.

صحى عيسى من النوم ، لاقى جنة لسه نايمة سند براسه على ايده و مسك ايديها و بصلها بحب و هو يقـ..بل يديها

جنة بنوم :- صباح الخير يحبيبى

عيسى :- صباح النور نمتي كويس

جنة :- اها لاني نايمة فى اكتر مكان برتاح فيه

عيسى :- و الله اللي هو ايه بقى

جنة بخجل :- ما انت عارف

عيسى و هو بيقلد صوتها:- لا مش عارف

جنة :- رايق انت انهاردة اوي اللي يشوفك دلوقتي ميشوفكش انبارح بجد

عيسى :- بحاول محطش فى دماغي انا خلاص مبقتش عايز من الدنيا غيرك انتي و بس يا جنة هنعيش مع بعض و نكون عيلة و ملناش دعوة بي اي حد

جنة بحزن و هي بتتعدل ، اتعدل هو كمان و اخدها فى حضنه و مسك ايديها و قبـ..لها بحب

عيسى :- مالك

جنة :- احنا مش لوحدنا يعيسى فيه جدي و مرات عمي و طنط فريدة

عيسى :- بلاش يا جنة بلاش عشان متعصبش عليكي و انا مش عايز كدا فريدة و عاصم النويري متجبيش سيرتهم تاني

جنة :- بس هم أهلك و دي الحقيقه اللي لا انت و لا أنا ولا حتى هم يقدروا يغيروها

عيسى و هو بيحط ايده على فمها:- هششش مش عايز غيرك انتي وبس انا مليش غيرك يا جنة

جنة بحب و خجل و هي بتمسك فيه اكتر: وانا هفضل طول العمر جانبك

لا حول ولا قوة الا بالله العلي العظيم 🤎

عيسى :- ربنا يباركلي فيكي

جنة :- تقريبا فونك بيرن

عيسى :- سيبك منه مش عايز حد يقاطعنا انا انهاردة هفضل معاكي

جنة :- مش هتروح الشركة

عيسى :- لا مش هروح لمدة أسبوع عايز افضل جانبك و معاكي

جنة :- طب و انا هعمل ايه فى الكلية

عيسى :- هنقلك جامعة القاهرة

جنة بزعل :- تمام

عيسى :- ايه التكشيرة دي

جنة :- انا معرفش حد هنا و اشتقت لقعدتي انا و حنين الصراحة

عيسى :- تيجي ننزل المياه

جنة :- مبعرفش اعوم

عيسى :- متخافيش انا معاكي

جنة :- طب انا هنزل احضر الفطار

عيسى :- تمام

فى المستشفى فى سوهاج

صفاء بخوف و بكاء:- ابني عامل ايه يا دكتور

:- متقلقوش احنا لحقنه فى الوقت المناسب هو متجوز

نور :- ايوا انا

:- طب عايز حضرتك معايا شوية لو سمحتى

نور بقلق:- تمام

صفاء ببكاء :- اكيد هي السبب يا عين امه من ساعة ما جيه معاها من بلاد برا و هو تعبان و مش مصطفى اللي نعرفه ربنا ينتقم منها

كامل بعصبية :- ممنوش لازمة الكلام دا يا صفاء مصطفى خلاص بقى كويس

فى غرفة الدكتورة نور كانت قاعدة متوترة و مش فاهمة ليه الدكتور طلبها كانت خايفة جدا على مصطفى

نور بخوف شديد:- هو كويس صح

الدكتور :- اه متقلقيش بس فيه حاجه بما انك مراته لازم تعرفيها

نور بخوف :- ايه هي

الدكتور:- هو انتي اسمك نور صح

نور :- اه

الدكتور:- مبطلش يقول اسمك و هو تحت البنج ما علينا و احنا بنعمل التحاليل لجوز حضرتك اكتشفنا أنه فيه نوع من المخد…ر فى جسمه

استغفر الله العظيم الذي لا اله الا هو الحي القيوم و اتوب اليه 🤎

نور :- مخدر ايه مش فاهمة

الدكتور:- جوز حضرتك بيتـ..عاطى مخد..رات

نور بصتله بصدمة شديدة و كان حد جاب جردل مياه سقعة و دلقوه عليها

الدكتور:- انا عارف ان الموضوع يصدم انا قولت لحضرتك لانك الوحيدة اللي ممكن تساعده و اللي التحاليل بينته برضوا انه بقاله يومين مخدش اي جرعة و دا اللي سببله التعب و العصبية انهاردة حضرتك لازم تفضلي معاه الاسبوع دا و تمنعيه و باذن الله فى خلال اسبوع هيرجع لحالته الطبيعية و كل السمـ..وم دي هتتطرد من جسمه نهائيا بس الاسبوع دا هيبقى صعب جدا عليه فلازم تكوني جانبه انا قولت لحضرتك لانه مبطلش يقول اسمك و هو تحت تأثير البنج و المريض فى الفترة دي بيبقى محتاج حد بحبه يقف جانبه

نور مكنتش مستوعبة كل الكلام اللي بيتقال

نور :- انا ممكن ادخل اشوفه

الدكتور:- اهاا اكيد و بكرة بإذن الله هكتبله على خروج

نور :- تمام

خرجت من الاوضة و هي مش حاسة بنفسها ، حسيت ان هيغمى عليها سندت بأيديها على حيطة المستشفى ، نزلت دموعها ، خدت نفس عميق و راحت وقفت قدام باب اوضته

كامل :- نور يبتي الحكيم قال ايه

نور بتوتر:- كان بيقولي بعض الحاجات عشان نراعه كويس فى البيت عن اذنكوا انا هدخل اشوفه

صفاء:- وانا كمان عايزه اطمن على ابني

كامل :- سيبي نور تدخله دلوقتي يا صفاء و احنا هندخله شوية كدا

صفاء بغضب وهي بتبص لنور :- ماشي يابا الحاج

دخلت الاوضة و بصتله بحزن لاقته مغمض عينيه جريت عليه و حطيت رأسها على صدره

:- اسفة يمصطفى انا آسفة عشان كنت ديما بفهمك غلط بس ليه تعمل كدا فى نفسك ليه

بدأ يفتح عينيه تدريجيا بتعب

مصطفى:- متعيطيش انا كويس

نور ببكاء:- مقولتليش ليه

مصطفى:- مش فاهم

نور :- انك مد..من

مصطفى بصدمة:- انتي عرفتي ازاى

نور :- الدكتور قالي

مصطفى: و حد من اللي برا عرف

نور : لا محدش غيري عرف مقولتليش ليه يمصطفى هو مش انا مراتك

مصطفى:- هتعالج عشانك يا نور بس متسبنيش

نور مسكت ايده بحب:- و انا و ابنك هنفضل جانبك انا بحبك اوي يا مصطفى

مصطفى:- و انا بعشقك يا عيون مصطفى

الباب خبط و دخل كل العيلة

كامل :- ايه اللى حصلك

اللهم صل وسلم وبارك على سيدنا محمد وعلى اله وصحبه اجمعين 🤎

نور بسرعة:- انا عصبته جدا يا جدي انا السبب

صفاء :- من غير ما تقولي عارفين ان انتي الف حمد لله على سلامتك يحبيبى

مصطفى:- الله يسلمك يا امي

نور :- حنين ممكن تجيبي لمصطفى عصير من الكافتيريا اللي تحت لو سمحتى

حنين:- اه اكيد

خرجت حنين بص كريم لطيفها و اتكلم و هو بيوجه نظره لمصطفى

:- حمد لله على سلامتك عن اذنكوا

خرج بسرعة ورا حنين

كريم :- دكتورة حنين

حنين كملت مشي و هي مضايقة منه ، جري بسرعة و وقف قصدها

كريم :- انا اسف مش عارف انا عملت كدا ازاي بس و الله ندمان

حنين:- انت غلطت و اخدت اللي تستحقه

كريم :- اه قصدك على القـ..لم يعني

حنين:- عن اذنك

كريم :- طب استني بس و الله أنا اسف مش عارف ايه اللي حصلي اول اما شوفت عينيكي محستش بنفسي وقتها بعترف اني غلطت بس انتي برضوا اللي جميلة اوى

حنين بخجل :- انت جرئ اوي على فكرة

كريم :- المهم متكونيش لسه زعلانة

حنين:- ابقى فكر بس مجرد تفكير انك تكررها تاني و شوف انا ممكن اعمل ايه

كريم و هو بيقرب :- وريني

حنين بتوتر و خجل:- انا ماشية

قالت جملتها و مشيت بسرعة من قدامه ، حط ايده على شعره بوسامة

كريم: شكلي حبيت و لا إيه

جنة كانت واقفة فى المطبخ بتقطـ..ع الطماطم، عيسى جيه من وراها و حضن ضهرها ودفـ’ن رأسه فى عنقها بعمق

عيسى بهمس: بتعملي ايه

جنة كانت بتنتفض بخجل ، حس بحركتها ليطـ..بع قبلة صغيرة على رقبتها

جنة : عيسى

عيسى : همممم

جنة:- ممكن تخرج عشان اعرف اعمل الاكل

عيسى بهمس : لا هخليني كدا

مسك ايديها بحب و بدأ يقطـ..ع معاها تحت شعور الخجل الشديد منها ، خلصوا الاكل و راحوا عند حمام السباحة

جنة : لا يعيسى انا بخاف انزل انت و أنا هتفرج عليك

عيسى :- تعالي بس

سحبها من ايديها و نزلوا المياه ، مسكت فيه بقوة و هي خايفة جدا

عيسى :- متخافيش انا معاكي تمام

هزت راسها بخوف وهي بتحضنه و محاوطة بأيدها رقبته فضلوا فى المياه شوية و طلعوا قعدوا على حافة حمام السباحة و عيسى كان ماسك ايد جنة بحب كبير ، دفـ..ن رأسه فى عنقها بحب كبير و عمق و توهان فيها

عيسى بهمس :- بقولك ايه

جنة :- ايه

عيسى :- تيجي نطلع

جنة بخجل :- بس يا عيسى الجو هنا جميل و عاجبني

فرد جسـ…مها على الخضرة بتاعت الجنينة بتوهان و فرد جسـ..مه هو كمان قرب وشه من وشها بحب و طبـ..ع قبلة صغيرة عليه ، غمضت عينيها و استسلمت كليا دفـ..ن رأسه فى عنقها بحب و غمض عينيه سمعوا صوت جرس الباب

جنة بخجل :- فيه حد بيرن الجرس

مردش عليها و هو ماسك فيها بقوة عشان متقمش

جنة :- عيسى

عيسى بضيق :- اما يزهق هيمشي

جنة :- طب قوم شوف مين

قام بصعوبة و ضيق و هو بيمسح على وشه ، خد القميص بتاعه من الكرسي لبسه بعشوائية ، راح فتح الباب ملاقش حد بس لاقى ظرف ابيض موجود على الارض خده من على الأرض و فتحه لينصدم من اللى فيه

يتبع ….نسيم العشق

26

 

فتح الظرف لاقى فيه ورقة فتحها لينصدم من اللي فيها

” امك ممـ..تـش مو..تة طبيعية يجنة امك اتقـ..تـلت لو عايزة تعرفي اللي حصل تعالي العنوان دا *** الساعة تسعة بليل ”

بص للورقة بصدمة و هو مش عارف يعمل ايه ، حاطها فى الظرف و دخل لجنة فى الجنينة لاقها قاعدة على حافة حمام السباحة ، راح قعد جانبها و هو شارد

جنة :- كان مين يحبيبى و ايه الظرف اللي فى ايدك دا عيسى يا عيسى

كملت و هي بتهز أيدها قدامه :- عيسى انت روحت فين

عيسى وهو بيفوق من شروده :- بتقولي حاجة يجنة

جنة : بقولك ايه!!!!! انت مش معايا خالص ليه كدا فيه ايه الظرف دا

عيسى :- مفيش حاجه

جنة :- اوماال مالك

عيسى :- حاجات تخص الشغل يجنة فكك خلينا فى نفسنا تيجي نطلع شوية

جنة :- ماشي

عيسى شالها بحب ، و طلع بيها اوضتهم

لا حول ولا قوة الا بالله العلي العظيم 🤎

نور :- الدكتور قال انك ممكن تخرج انهاردة بليل

مصطفى:- تمام شكراً يا نور

نور :- على ايه

كامل :- طب نخرج احنا من هنا بقى نور هتجيب مصطفى و تيجي

صفاء:- لا يابا الحاج انا مش هتعتع من اهني الا اما اخاد ولدي فى ايدي

كامل :- صفاء انا جولت اللي عندي نور اما تيجي تخرجوا يبتي رني ابعتلكوا سواق

مصطفى:- مفيش داعي يجدي انا هسوق انا بقيت كويس خليه يجيب بس العربية فى جراج المستشفى تحت

كامل :- تمام يا ولدي

خرجوا كلهم و مفضلش غير مصطفى و نور

مصطفى فتحلها دراعه جريت عليه و دفـ..نـت راسها فى صدره ، فضلت تبكي بشدة و كأنها حابسة جواها بحر من الدموع و ماصدقت تكون قريبة منه عشان تطلعه

مصطفى بحب و هو يقبل رأسها

:- هششش اهدي انا كويس و الله

نور بشهقات:- شكلك وانت غر..قان فى دمـ..كـ و مغمى عليك و جعني اوي حسيت ان روحي بتروح مني يمصطفى

مصطفى:- اسف عشان خوفتك عليا

نور و هي بتبصله :- انا عارفه انه غصبن عنك بس ليه من الاول يمصطفى ليه تعمل فى نفسك كدا انت دكتور و عارف اد ايه الطريق دا مؤ..ذي وان اخرته المـ..وت مفكرتش فى اللي ممكن يحصلي من بعدك

مصطفى :- انا كنت مش عايز اعيش يا نور كنت شايف اني مش مهم لحد بس طلعت غلطان انتي و عيسى السبب فى اني افهم دا كنت بنتـ..قم من نفسي من اللي عملته فيكي و عملته فى جنة و فى جدي و عيسى انا عارف اني غلطت و اذيت ناس كتير اوي بس و الله أنا مش وحش انا بس كنت ضايع و مش فاهم حاجه

نور :- خلاص خلينا ننسى اللي فات يحبيبى و نفكر فى المستقبل مع ابننا

مصطفى:- عارفة اني بجد انا اسعد واحد دلوقتي عشان انتي حامل بأبني

نور بخجل :- ربنا يديمك لينا

مصطفى بحب :- و يباركلي فيكوا

اللهم صل وسلم وبارك على سيدنا محمد وعلى اله وصحبه اجمعين 🤎

في غرفة مكتب كريم فى المستشفى

فريدة:- هااا حبيتها امتى

كريم بتوتر :- هي مين

فريدة:- مش عارف اللي اول ما خرجت جربت وراها انهاردة الدكتورة حنين كارم الجبالي

كريم :- انتي ديما كاشفني كدا

فريدة:- دا انا اللي مربياك و عارفك كويس المهم هنروح نكلم الحاج كامل امتى

كريم :- احنا لو روحنا دلوقتي انا هترفض

فريدة:- ليه

كريم :- عشان هي مبتحبنيش تاني حاجه بقى و الاهم هي دلوقتي مش بتفكر غير فى عيسى و عايزاه يرجع بأي طريقة هو و مراته

فريدة بحزن :- تمام يلا انا هسافر القاهرة

كريم :- بابا جاي معاكي

فريدة:- معرفش و مش عايزة اعرف حاجه عنه

كريم :- بلاش تقسي عليه يا ماما بابا بيحبك بجد و بيحب عيسى

فريدة :- هحاول يلا سلام

كريم :- سلام

استغفر الله العظيم الذي لا اله الا هو الحي القيوم و اتوب اليه 🤎

كان قاعد على السرير و فارد جسمه و شارد فى الكلام اللي شافه فى الورقة و جنة كانت حاطه راسها و ايديها على صدره

عيسى فى نفسه :- يا ترى الكلام اللي فى الورقة دا صح المشكلة اني مش عارف لاني كنت فى الارض وقتها واما رجعت قالولي مرات عمك ما..تت و هي اصلا كان عندها القلب اكيد حد بيهزر مع جنة اكيد أو عايز يضايقها

بص فى الساعة لاقها سبعة و نص

فاضل ساعة و نص مبقتش عارف اعمل ايه

جنة بحب :- عيسى

عيسى :- عيونه

جنة :- انت كويس بجد فيك ايه من ساعة ما روحت تشوف مين جيه و انت تايه فيه حاجه فى الشغل

قبل رأسها بحب و اتكلم بحنية :- متشغليش بالك حاجات بسيطة

جنة بحب :- طب ممكن تخليك معايا و تبطل تسرح عشان انا بضايق

عيسى ببأبتسامة و هو يقـ..بل يديها:- يعمري انا معاكي اهو طب عايزة نعمل ايه

جنة :- تيجي نتفرج على فيلم

عيسى :- ماشي هدخل الحمام و انتي اختاري الفيلم اللي انتي عايزاه

جنة :- اشطا

ضحك على طفولتها بحب و دخل الحمام ، قامت من على السرير و بدأت تدور على شرايط الفيلم وقعت قميص عيسى على الارض و وقع معاه الظرف ، وطيت جابته و فتحته لاقيت الورقة بصتلها بأستغراب فتحت الورقة بصيت للورقة و الكلام اللي جواها بصدمة شديدة قعدت على الكنبة وهي بتحاول تستوعب ، خرج عيسى لاقها قاعدة و ماسكة الورقة راح قعد جانبها بخوف و اتكلم بسرعة

:- هتلاقي حد عايز يضايقك اكيد غلط

جنة ببكاء:- ماما ما..تت مقـ..تولة ازاي يعيسى ازاي

عيسى :- يحبيبتى اكيد مش صح طب اهدي

راح بسرعة و جابلها كوباية مياه

عيسى :- خدي و اشربي و اهدي تمام اهدي

جنة ببكاء:- انا لازم اروح اشوف اللي بعت الظرف دا هو اكيد عارف ماما ما..تت ازاي ارجوك يعيسى خدني على العنوان دا انا و الله ما قادرة

عيسى :- حاضر بس اهدي ماشي

جنة :- حاضر انا هقوم البس و خلينا نروح

عيسى :- تمام

خلصوا لبس و عيسى خد جنة فى عربيته و راحوا المكان كان عبارة عن بيت صغير فى أحد الحواري المهجـ..ورة دخلوا البيت الباب كانوا مفتوح دخلوا الشقة انصدموا لما لاقوا واحدة على الأرض و سايـ..حة فى دمها

يتبع………27

نسيم العشق

 

دخلوا البيت لاقوا واحدة و اقـ..عـة على الأرض و سايـ..حـة في دمها ، جريوا عليها بصدمة و جنة كانت مرعوبة بمعنى الكلمة ، راحوا قعدوا جانبها على الأرض

جنة بخوف :- انتي انتي مين

سحر بتعب شديد اتكلمت بصعوبة و هي بتطلع فى الروح

:- حقي و حق امك يجنة متسبيهوش

عيسى :- مين اللي عمل فيكي كدا

سحر :- محمود محمود الغفير ك ك كر

طلعت الجملة دي و روحها طلعت معاها ، جنة بصتلها بخوف شديد و انهيار

جنة ببكاء و انهيار :- لا لا متمـ..وتـيش قوليلي ماما ما..تت ازاي متمـ..وتيش ارجوكي

عيسى بسرعة راح عند جنة مسك ايديها

:- لازم نمشي من هنا بسرعة لو لاقونا احنا اللي هنشيلها

جنة ببكاء:- لا خليها تقولي ماما ماما ما..تت ازاي

عيسى بعصبية:- دي ما..تت افهمي يلا يجنة

مسك ايديها و خرجوا من البيت بسرعة ، ركب عربيته و هو بيبص فيه حد شافهم و لا لأ ، دخل جنة اللي كانت منهارة من العياط و خايفة و مرعوبة من اللي شافته

عيسى كان سايق عربيته و جنة كانت قاعدة على الكرسي اللي جانبها بتترعش و بتعيط

اللهم صل وسلم وبارك على سيدنا محمد وعلى اله وصحبه اجمعين 🤎

عيسى :- اهدي

جنة بشهقات :- انا انا مش قادره يعيسى ليه يعملوا فيها كدا ليه كانت هتقولي ماما ما..تت ازاي

عيسى: اللي عمل كدا عمل عشان عارف انها كانت هتقولك يجنة اكيد كان عارف اننا رايحين اكيد كان عايزنا احنا اللي نلبسها و كدا هيبقى ضـ..رب عصفورين بحجر اتخـ..لص منا و منها دي خالتك يجنة

جنة :- خالتي !!!!

عيسى :- ايوا انا فكرها انتي وقتها كنتي صغيرة بس اختفت بعد موت ولدتك على طول وصلنا يلا انزلي

جنة ببكاء و انهيار:- مش قادرة اتحرك من خوفي

خرج بسرعة من العربية و راح عندها فتح الباب من ناحيتها و مسك ايديها

عيسى بحنية :- تعالي يحبيبتي متخافيش انا معاكي

مسكت ايده و دخلت معاه الڤيلا اول اما دخلوا حضنته بقوة و فضلت تبكي و تنتفض من خوفها الشديد جوا حضنه

بدأ يطبطب عليها بحب و حنية و هو حزين جدا على حالتها

عيسى :- هشششش اهدي يحبيبتى اهدي انا معاكي يعمري متخافيش

جنة حسيت ببعض الامان و هي في حضنه

عيسى طلعها من حضنه بحب و قعدها على الكنبة و قعد جانبها

عيسى :- هروح اعملك ليمون يهديكي شوية ماشي

حضنته بقوة و حطيت رأسها على صدره

:- لا يعيسى متسبنيش انا خايفة خليك معايا متسبنيش

عيسى :- خلاص مش هروح فى حتة انا جانبك أهو يحبيبتى اهدي ماشي

في قصر الجبالي و تحديداً في غرفة مصطفى

نور سندت مصطفى و قعدته على السرير

نور :- ايوا كدا

صفاء :- حمد لله على سلامتك يبني

مصطفى:- الله يسلمك يا امي

نور :- صافية لو سمحتى ممكن تجبيلي هدومي هنا

مصطفى:- ماما لو سمحتي ممكن تسبيني انا و نور لوحدنا

صفاء بضيق :- حاضر يا ولدي

خرجت صفاء و صافية و مبقاش غير نور و مصطفى

راحت قعدت قدامه على السرير مسك ايديها بحب

مصطفى:- مينفعش يا نور مينفعش تعقدي معايا في نفس الاوضة انا خايف عليكي

لا حول ولا قوة الا بالله العلي العظيم 🤎

نور :- يسلام بقى يا دكتور قول انك عايز تبقى فى الاوضة لوحدك عشان تخوني براحتك صح اعترف الانكار مش هيفيدك

مصطفى:- متاخديش كل حاجه بهزار يا نور انا بتكلم بجد انا مش عايز اكرر نفس الغلط مرة تانية مش عايزاك تتأ..ذي بسببي تاني

نور :- طب خلينا نتكلم جد شوية انت عايزيني ابعد عنك و قول الحقيقة

بص الناحية التانية و هو بيتجنب النظر لعيونها اللي بتسحره و بتخليه يضعف قدامها

مصطفى:- ايوا يا نور عايزاك تبعدي

نور :- طب بصلي و قول

حضنته بحب و حطيت راسها على صدره سمعت صوت ضربات قلبه اللي بدأت تزيد اثر قربها منه

مصطفى:- نور

نور بحب :- عيونها

مصطفى بحب و تلقائية:- بحبك

ابتسمت بحب و هي طايرة من فرحتها

نور :- خلاص خليني معاك يحبيبى و انا هستحمل و هنعدي الفترة دي مع بعض

مصطفى:- يا نور

طلعت من حضنه و حطيت ايده على شفايفه :- هششش متقولش حاجه

قبل ايده بحب :- لو حسيت اني هأ..ذيكي هتبعدي من غير جدال

نور :- ايوا بس

مصطفى بمقاطعة:- مفيش بس انا قولت اللي عندي

نور :- تمام

عيسى :- هديتي شوية

جنة و هي بتشرب مياه :- اه احنا هنعمل ايه

عيسى :- لازم نسافر الصعيد و نعرف مين محمود الغفير و نعرف ايه اللى حصل بالظبط فى اليوم اللي ما..تت فيها ولدتك

جنة :- طب هنعرف منين

عيسى :- جدي اكيد عارف اللي حصل المهم مفيش اي حاجه من اللي حصلت دي حد يعرف بيها حتى جدي تمام

جنة :- تمام

عيسى :- طب يلا نحضر الشنط عشان هنسافر الصبح

جنة:- تمام

طلعوا حضروا الشنط ، اخدها فى حضنه و كل واحد فيهم مش عارف ينام من كتر التفكير و خصوصاً جنة اللي كانت صورة سحر و هي مقـ..تـولة مش راضية تروح من بالها

جنة :- عيسى

استغفر الله العظيم الذي لا اله الا هو الحي القيوم و اتوب اليه 🤎

عيسى :- ايه يحبيبى

جنة :- هو الشرطة هتلاقيهم هناك دلوقتي صح هم ممكن يقبضوا علينا احنا

عيسى :- محدش شافنا هناك و احنا ملمسناش اي حاجه ملناش بصمات هناك متخافيش

جنة:- هو اللي قـ..تـل خالتو هو نفسه اللي قتـ..ل ماما صح

عيسى :- اكيد لازم نوصل للغفير دا هو عنده حل لكل الالغاز اللي فى دماغنا

جنة :- ممكن يكون هو

عيسى :- لا مش هو حد تانى وراه و لازم نعرفه

جنة :- يا ترى هيكون مين

عيسى :- حد بيكـ..ره مرات عمي رانيا و كره ليها وصله انه يقـ..تلها

جنة ببكاء:- حسبي الله ونعم الوكيل

عيسى :- و الله العظيم ما هسيبه و دا وعد مني ليك متعيطيش اهدي

فضلت تعيط لفترة لحد اما سكنت و نامت فى حضنه ، يصلها بحزن و هو قلبه بيـ..تـقطع عليها و بيتوعد للشخص اللي كان السبب فى نزول دموعها

فى الصباح حضروا الشنط و وصلوا سوهاج كانت الساعه ١١ الصبح ، استقبلهم كل اللى فى البيت بفرحة كبيرة

فريدة كانت خارجة و معاها شنطتها شافتهم وقفت وهي بتبص لعيسى بدموع ، تجاهلها عيسى و اتكلم بجدية

عيسى :- جدي عايزك لو سمحت

كامل :- ماشي يا ولدي تعال ندخل المكتب نتكلم

كريمة بصيت بتوتر كبير و خوف بعدت و راحت اوضتها ، رنيت على شخص

كريمة :- انت متأكد انها ما..تت صح

:- ايوا يا هانم بس الاتنين اللي راحوا مشيوا قبل ما الشرطة تيجي و دلوقتي الشرطة بدور على القا..تل بس متخافيش مش سايب وراي اي دليل

كريمة و هي بتاخد نفسها براحة:- ماشي اقفل دلوقتي

:- فين حقي

كريمة :- هبعتهولك على حسابك

كريمة :- معقول تكون قالتلهم حاجه بس هي ما..تت اكيد مقالتش حاجه بس ايه اللى يجيب عيسى كدا هو اكيد جيه عشان هو بيحب كل فرد فى العيلة دي و مقدرش يبعد ايوا انا عارفه عيسى كويس بس برضوا لازم تاخدي بالك يا كريمة عيسى مش سهل

في غرفة مكتب كامل

عيسى :- جدي ممكن تحكيلي اللي حصل فى اليوم اللي ما..تت فيه مرات عمي رانيا ام جنة

كامل :- و ايه اللي خلاك تفتكر دلوقتي

عيسى:- عادي بس جنة بتفتكرها كتير اوي اليومين دول و انا افتكرت اللي حصل و حاسس ان فيه حاجه غلط يعني خالتي سحر وقتها اختفت و مجتش نهائي عشان تشوف جنة حاسس ان فيه حاجه غلط فيه حاجه انا معرفهاش

كامل بدأ يحكيله اللي حصل و عيسى كان بيسمع بأنتباه

عيسى :- يعني صدقت كلام الغفير يجدي من غير اي دليل و حكمت عليها انها خا..ينة

كامل :- انا مسألتش الغفير الا اما امك كريمة شافتهم بنفسها يا ولدي

عيسى بصدمة شديدة حس ان حد جاب جردل مياه سقعة و دلقوه عليه :- امي كريمة

يتبع……28

 

نسيم العشق

 

عيسى بصدمة :- امي كريمة

كامل :- ايوا يا ولدي هي شافتهم و اما سألت الغفير منكرش بس هرب بعدها و معرفنلهوش طريج واصل

عيسى :- طب و خالتي سحر مفكرتش تزور جنة خالص

كامل :- لا بعد اللي حوصل معتبتش باب القصر

عيسى :- تمام

قام من على الكرسي و كان لسه هيفتح الباب بس وقفه صوت كامل

كامل :- عيسى

عيسى :- ايوا يجدي

كامل :- لسه زعلان مني يا ولدي مش آن الأوان نتصالح

عيسى راح عنده و حضنه بكل قوته

عيسى بدموع: انا استحالة ازعل منك يجدي و انت عارف كدا كويس بس انا ضا..يع و مش عارف اعمل ايه

كامل :- اسمع امك يا ولدي امك بتحبك دا يعيني مضحكتش ولا ارتاحت من ساعة ما مشيت من البيت

عيسى :- امي اللي رمـ..تـني يا جدي وانا لسه حتة لحمة حمرة يجدي

كامل :- كان غصبن عنها يا ولدي كانت مجبرة على الاقل اديها فرصة

عيسى :- حاضر بس مش دلوقتي فيه موضوع فى دماغي هنهيه و بعدين هسمعهم

كامل :- ماشي يا ولدي و دا بيتك يعيسى

عيسى ببأبتسامة خفيفة:- اكيد

فى الخارج

فريدة:- مالك يجنة انتوا كويسين

جنة بشرود:- اها يخالتي متمشيش خليكي هنا فرصة كويسة عشان تتقربي من عيسى

كملت كلامها وهي بتبص لكل الموجودين

:- عن اذنكم انا طالع

لا حول ولا قوة الا بالله العلي العظيم 🤎

نور :- مش هتعقدي معانا شوية يجنة انتي وحشانا

جنة : مش دلوقتي يا نور انا تعبانة عن اذنكوا

طلعت جنة و فى نفس الوقت خرج عيسى من غرفة المكتب ، فضل قاعد شوية مع مصطفى عشان كريمة متشكش فى حاجة بس كان قاعد و عقله فى كلام جده و كل اللي حصل كان بيفكر فى حل للموضوع و ازاي يجيب حق ام و خالت جنة ، طلع بعدها بشوية لما مقدرش يستحمل يسيب جنة لوحدها ، طلع لاقها قاعدة على السرير حاضنة صورة مامتها و بتعيط ، راح قعد جانبها

عيسى : مش كفاية بقى

جنة ببكاء:- مش قادرة حاسة انها ما..تت انبارح مش من سنين ليه يعملوا فيها كدا طب مفكروش فيا و انا هعمل ايه من غيرها انا عايزة اروح لماما يعيسى مبقتش عايزة اعيش فى العالم اللي كل الناس بتـ..قت*ل فيه فى بعضها

خدها فى حضنه مسكت فيه بقوة و هي بتبكي

جنة :- قلبى وجعاني اوي عايزة ماما

عيسى :- ربنا يرحمها يحبيبتى و الله ما هسيب حقها و اللي عمل كدا هيتجاز و الله دموعك دي ما هخليها تروح كدا

جنة :- انت عملت ايه مع جدو قالك حاجه

عيسى :- ممكن تسبيلي انا الموضوع دا و متدخليش فيه انا هحل كل حاجه

جنة :- لا انا عايزة اعرف

عيسى بدأ يحكلها كل اللى حصل ، انهارت من العياط وهي بتسمعه

عيسى :- اهو انا مكنتش عايز اقولك عشان كدا

جنة ببكاء:- مرات عمي اللي قتـ..لت امي

عيسى :- للاسف احتمال كبير تكون هي لانها الوحيدة اللي مستفيدة من مـ..وت خالتك سحر بعد ما كشفت سرها

جنة :- اللي هو ايه السر دا و هنتأكد منين ان هي

عيسى :- مفيش قدامنا غير الغفير لازم نوصله بأي طريقة

جنة :- فكرك يعترف

عيسى :- انا هعرف اخليه يعترف

جنة : طب هنلاقيه فين

عيسى :- مش عارف بس الا اما نلاقي حاجه توصلنا ليه المهم انتي متضايقيش و بطلي عياط ماشي

جنة :- ماشي هقوم اغير هدومي

عيسى بغمزة :- اساعدك

جنة ببأبتسامة و خجل :- لا بعرف اساعد نفسي

عيسى :- همـ..وت و اعرف لسه لحد دلوقتي بتتكسفي مني ليه دا انا جوزك

جنة :- هو انا كدا بقى

عيسى ببأبتسامة اظهرت وسامته :- طب مستانيك يقمر

جنة بخجل :- امممم

عيسى وقتها فقد حصونه من كتلة الجمال و الخجل اللي شايفهم قصاد عينيه

عيسى بهمس :- لا دا انا اساعدك انا بقى

جنة بخجل :- بس يعيسى

عيسى :- انتي خليتي فيها عيسى تعالي

قرب من وشها سندت براسها على السرير ليقرب منه اكثر فمكنش بيفصلهم غير سنتي واحد كان السكوت عامم المكان مش بيفصلهم غير سنتي واحد

عيسى بحب و همس و هو يقبـ..ل خدها:- بحبك يا جنه

جنة غمضت عيونها بخجل و حطيت ايديها على صدره بضعف ، دفـ..ن رأسه فى عنقها

عيسى بحب :- نفسى كل حاجه تتحل و اجيب طفل منك و نعيش مبسوطين مع بعض تفضلي على طول فى حضني و مبعدش عنك ابدا

جنة :- انا

اللهم صل وسلم وبارك على سيدنا محمد وعلى اله وصحبه اجمعين 🤎

قاطعها و هو بيحط ايده على فمها:- هششش خلي صوت أنفاسنا هي اللي تتسمع و بس يجنة

فى الدور الارضي من القصر ، نور كانت جاية تقوم بس حسيت بدوخة وكانت هتقع لولا ايد مصطفى اللي سندتها

مصطفى بخوف:- مالك فيه ايه

نور :- مش عارفه دوخت مرة واحدة

مصطفى:- تعالي نطلع فوق ترتاحي

كريمة بسخرية :- ما احنا حبلنا قبل اكديه محصلناش اكديه ليه كفاية تمثيل

مصطفى بغضب :- مرات عمي انا ساكت بس احتراما لعمي الله يرحمه وانك فى سن والدتي بس كله الا مراتى

كريمة :- تعال اضـ..ربني عشان السنيورة مستني ايه

مصطفى بضيق :- يلا يا نور

شالها برفق و حب قدام كل الموجودين

نور بخجل :- نزلني يمصطفى انا هعرف امشي

مصطفى بجدية:- اسكتي يا نور

دفـ..نـت رأسها فى عنقه بخجل من نظراتهم ، طلع بيها الاوضة و حاطها على السرير

مصطفى بحب و هو بيمسك ايديها و بيعقد قصدها

:- حاسة بي ايه يعمري

نور :- دوخت بس شوية كدا بس الحمد لله احسن

مصطفى راح عند التربيزة جاب ازازة المياه وصبلها شوية فى الكوباية :- خدي اشربي و حاولي ترتاحي و باذن الله هنروح بليل للدكتورة

خدت منه كوباية المياه و شربت

نور :- مفيش داعي يحبيبى انا كويسة

مصطفى:- لازم تتابعي معاها عشان نطمن عليكي و على الجنين

نور :- ماشي يحبيبى

جنة كانت قاعدة على السرير بخجل و عيسى كان بيلبس هدومه

جنة :- رايح فين

عيسى :- خطر فى دماغي حاجه كدا ممكن توصلنا للمحمود الغفير

جنة :- ايه هي

عيسى :- تظبط بس و هقولك

راح عندها و قبـ..ل رأسها: عايزة حاجة

جنة برقة :- سلامتك

عيسى بحب و هو بيدفـ..ن رأسه فى عنقها و بيضع قبـ..لة صغيرة عليه

:- مش هتأخر عليكي يعمري

جنة بخجل : تمام

خلص لبس و خرج من الاوضة ، بصيت لصورته المحطوطة على الكمودينو جانبها ، خدته و فضلت تبصلها بحب

:- بحبك اوي يعيسى

عيسى نزل تحت الجنينة و اتكلم مع كبير الغفر عندهم

عيسى :- بقولك ايه يا عم جلال

جلال:- ايوا يبيه

عيسى :- محمود الغفير فاكره

جلال: و هو دا يتنسي يبيه دا كامل بيه قلب عليه الدنيا و معرفش يوصله

عيسى :- متعرفش حد من قرايبه صحابه المقربين اي حد

جلال و هو بيفتكر :- فيه يبيه سامح صاحبه اوي عايش هنا فى سوهاج بس احنا حاولنا معاه وقال مش عارف مكانه

عيسى :- عايش فين فى سوهاج

بدأ جلال يوصفله عنوان المكان

عيسى :- تمام

استغفر الله العظيم الذي لا اله الا هو الحي القيوم و اتوب اليه 🤎

خد عربيته ، و راح المكان دا كان عبارة عن بيت صغير فى سوهاج بس كان بيبعد كتير عن القصر ، خبط الباب ، فتح سامح الباب اول اما شاف عيسى خاف جدا واتوتر

عيسى : ازيك يا سامح عامل ايه

سامح بخوف:- عيسى بيه اتفضل

عيسى دخل البيت بثقة و شخصيته القوية

عيسى :- اقعد يا سامح دا بيتك وانا ضيف حتى

سامح بخوف :- حاضر يبيه

عيسى بهدوء :- انا هتكلم معاك براحة خالص اهو فين محمود صاحبك

سامح بخوف شديد جدا :- معرفش يبيه والحاج كامل سألني قبل اكديه و قولتله معرفش

عيسى راح عنده و اتكلم بغضب مفرط

:- انت هتستعبط يالا دا صاحب عمرك و اكيد عارف مكانه انطق بدل ما انت عارف انا ممكن اعمل فيك ايه انطق

سامح بخوف شديد:- فى بيت فى الجبل فى مكان قريب من سوهاج

عيسى :- قوم معايا وديني ليه يلا

اتحرك سامح مع عيسى و وصلوا للمكان كان عبارة عن كهف صغير فى صحراء مكان ميخطرش على بال اي حد ، دخل الكهف دا لاقه زي البيت فيه كل المستلزمات اللي بيحتاجها اي شخص

كامل بصله بخوف شديد:- عيسى بيه

عيسى بثقة :- و الله و وقعت يا محمود قتـ..تلتـوا انت و كريمة هانم مرات عمي ازاي بقى

يتبع………….29الاخيره

 

محمود بصله بخوف شديد و توتر حاول انه يهرب بس عيسى ماسكه و كتـ..فـه

عيسى :- انت مفكر انك تقدر تهرب مني يالا دا انا عيسى الجبالي يلا بهدوء كدا و احكيلي قتـ..لتوها ازاي

محمود :- انا مخبرش حضرتك بتكلم عن ايه يبيه

عيسى :- تمام انت اللي اخترت

طلع مسـ..دسه من جيبه و حاطه فى راسه

عيسى بثقة :- كدا كدا انت مختفي من عشرين سنة محدش هيلاحظ غيابك هااا هتبقى شاطر كدا و تنطق ولا

محمود بخوف :- لا خلاص خلاص هتكلم بس هي ممكن تخـ..لـص عليا انا هربت منيها هي و سحر بالعافية

عيسى :- متخافيش انا هحميك منها اخلص

محمود :- الست كريمة كانت بتحط سـ..م عشان يموت الست رانيا بالبطئ و يبان قدام الطب الشرعى انها ميتـ..ة مو..تة طبيعية و هي برضوا اللي خالتني اقول للكبير ان كان فيه حاجه ما بينا من ايام ما كان محمود بيه ابو الست جنة عايش هي و الله اللي قالتلي اعمل كدا كله كان تخطيطها هي و انا قولت الكلام ديه للست سحر و بعدها قدرت اهرب من رجلتها و جيت اهنيه

عيسى :- هي اللي قتـ..لت سحر صح انطق

محمود :- مش عارف و الله أنا اصلا معرفيش انها ما..تت غير منك دلوقتي سبني اهرب من اهنيه و انا استحالة اذ..ي اي حد فيكم

عيسى :- اسيبك بتحلم يا محمود اسمع بقى انت هتعمل ايه يا حلو و نفذ اللي هقولك عليه بالحرف الواحد و الا انت عارف بقى ايه اللي هيحصلك

محمود :- خلاص هعمل كل حاجه انت عايزاها

عيسى :- تمام اوي كدا يلا رن عليها

محمود:- بلاش يعيسى بيه دي ممكن تخـ..لـص عليا

عيسى :- خلاص اخلـ..ص انا

محمود بخوف شديد :- تمام

عيسى :- يلا

كريمة كانت قعدت فى اوضتها بتشرب شاي و بتفكر قاطع تفكيرها رنة فونها

كريمة:- الو

محمود : كريمة هانم عايز اشوفك فيه حاجات كتير لازم نتكلم فيها

كريمة بغضب :- وانا ايه اللي يخليني اقابلك يجدع انت بقولك ايه ابعد احسن ما هتحصلهم

محمود :- خلاص انا اوري الصور اللي معايا و التسجيلات لعيسى بيه و الكبير و هو يتصرف بقى

كريمة بخوف شديد:- تسجيلات و صور ايه

محمود :- تعالي بنفسك و شوفي عارفة الكهف اللي في الجبل طبعا تعالي قابلني فيه كمان ساعة ساعة ونص و كل حاجه هتبقى معاهم

كريمة : خلاص انا جاية

عيسى بعت لجنة السواق عشان يجبها لانه كان حابب تشوف كريمة وهي بتاخد جزاءها و طبعاً رن على الشرطة ، كريمة جت و لاقت محمود قاعد فى الكهف عيسى و جنة و الشرطة كانوا واقفين ورا حيطة و مش متشافين

كريمة :- اخلص وريني اللي معاك

محمود :- طب مش تستني نضايفك الاول يا كريمة هانم

كريمة :- اخلص

محمود :- حاضر هوريكي كل حاجه بس عايز اعرف مين قـ..تـل سحر

كريمة :- انا اللي قتـ..لتـها زي ما قتـ..لت رانيا

كملت و هي بتطلع مسد..س معاها : و زي ما هخـ..لص عليك دلوقتي برضوا

جنة بهمس و خوف شديد :- عيسى دي هتـ..قـت/له انا خايفة

عيسى بهمس :- متخافيش يحبيبى انا معاكي

خرجت و قتها الشرطة

:- كريمة انت مقبوض عليكي بتهمة قتـ..ل كريمة و سحر

كريمة بصتلهم بخوف سرعان ما تحول لبرود و هي بتبص لعيسى و جنة عيسى كان محاوط بأيده على جنة و كانت شبه فى حضنه

كريمة بسخرية :- مفكرين انكم انتصرتوا عليا لا يجنة انا هفضل طول الوقت واجعة قلبك على امك و خالتك

جنة بدموع :- ليه تعملي كدا ليه ماما عملتلك ايه عشان تقـ..تلـيها

كريمة بغضب :- امك لفيت على جوزي كان عايز يتجوزها بعد اما ابوكي ما..ت جالي و كـ..سر قلبي و هو بيقولي انا هتجوزها عليكي كنتي عايزيني اعمل ايه اسقفلها و اقولها خدي جوزي مني كان لازم تـ..موت و خالتك كانت هتفـ..ضحني و تقول كل حاجه كان لازم يمـ..وتوا عشان انا ابقى مبسوطة

عيسى حس ان جنة بدأت حالتها تسوء

عيسى : حضرة الظابط خدهم لو سمحت

كريمة :- هتخليهم ياخدوا امك يعيسى

عيسى :- امي اللي قتـ..لت اتنين انتوا محدش فيكم يستاهل انه يكون ام خدهم يا حضرة الظابط لو سمحت

الشرطة خدت محمود و كريمة على السجن ، و عيسى خد جنة و رواحوا البيت و حكلهم كل حاجه حصلت فى وسط صدمتهم الكبيرة و خصوصاً حنين اللي مبطلتش عياط و هي مش مستوعبة ازاي امها تعمل كدا

مر شهر و الوضع مستقر عيسى و جنة حبهم و عشقهم بيزيد جنة بدات تنسي شوية شوية و تتأقلم مع اللي حصل برحمة ربنا و وجود عيسى جانبها مصطفى خف تماما من الادمان و حبه لنور بيزيد يوم بعد يوم ، كريم جاي هو و فريدة و عاصم يطلبوا ايد حنين ، عيسى علاقته بكريم بقيت كويسة جدا لانه ملوش ذنب فى اي حصلت و بيحاول ينسى اللى فريدة و عاصم عملوه ، و صفاء حبيت نور جدا و خصوصاً بعد ما شافت اهتمامها

فى اوضة حنين

حنين :- شكلي حلو

جنة :- زي القمر و احلى يحنين بجد

نور و هي خارجة من البلكونة:- وصلوا وصلوا عريسك قمر اوي يحنين

جنة :- يجي مصطفى يسمعك

نور بخوف :- حرام عليكى يجنة بجد

نزلوا البنات تحت و سابوا كريم و حنين لوحدهم

كريم بحب :- بحبك

حنين بخجل :- تمام

كريم :- تمام !!!!

حنين :- مش هقول حاجه الا اما تبقى جوزي يا دكتور

كريم بأعجاب: يعني انتي بتحبني يحنين

حنين :- مكنتش هوافق لو مش بحبك

كريم بفرحة :- وانا هستنى

جهم كلهم و قعدوا مع بعض فى وسط ضحك و هزار كريم و نظرات الحب اللي باينة جدا لحنين و خجلها الشديد ، خلصوا قعدتهم

فى اوضة عيسى و جنة ، دخل عيسى الاوضة لاقى جنة لازقة كوتشي بتاع بيبي صغير على المرايا و جانبها ورقة مكتوب عليها انا جاي يا بابي ، بصلها بفرحة شديدة ، بص لنور الحمام لاقه شغال اتوقع انها جوا مقدرش يستنى ، فتح الباب لاقها واقفة على الحوض بتغسل وشها ، اتكلم بلهفة و حب

:- دا بجد انتي حامل

ابتسمت و خرجت من الحمام جابت اختبار الحمل من الدرج

جنة وهو بتديله اختبار الحمل:- اهاا

عيسى بفرحة شديدة شالها و دار بيها

عيسى :- بحبك مش هقدر اوصفلك فرحتي بجد

جنة :- انا مبسوطة اوي لفرحتك دي

عيسى سندها بحب و قعدها على السرير:- من انهاردة مفيش اي حاجه هتعمليها ارتاحي و بس

جنة :- طب مفيش هدية للحمل

عيسى :- اكيد طبعاً شاوري أنتي بس و انا هجبلك كل اللى انتي عايزاه

جنة :- اي حاجه اي حاجه

عيسى ببأبتسامة:- اها

جنة :- تسامح خالتي فريدة و عمي عاصم

عيسى بحزن :- مش قادر يا جنة

جنة مسكت ايديه:- حاول اديهم فرصة هم بيحبوك اوي يعيسى كفاية عليهم طول السنين اللي فاتت و هم بعاد عنك

عيسى :- اوعدك هحاول

جضنته بحب كبير:- بحبك اوي يعيسى

عيسى :- و انا بعشقك يا روح عيسى

بعد مرور سنتين فى الصالون فى قصر الجبالي

جنة :- يواه يبنتي اسكتي بقى طب اعملك ايه تاني

نور : نفسي فى مرة الاقيكي قاعدة مع رانيا و ساكتة

جنة :- على طول مغلباني هو ياسين فين صحيح

نور :- شب بس ده ز زي فى مصطفى الصبح و خده معاه المستشفى زمانهم جاين هو عيسى فين صحيح

جنة :- فى شغل مع عمي عاصم من ساعة ما ضموا الشركتين و مبقوش يسيبوا بعض مبسوطة اوي عشان عيسى سامحهم بجد و مبسوطة اكتر عشان جهم يعيشوا معانا هنا

فريدة ببأبتسامة:- اوماال كنتي عايزة ابعد عن ابني ولا ايه دا انا ما صدقت لاقيته

جنة :- مش قصدي و الله

فريدة:- يحبيبتى عارفة بهزر معاكي يا رب بس ميتأخروش عشان حنين و كريم زمانهم جاين عشان نتغدا مع بعض

جنة :- هيجوا دلوقتي

عيسى :- جاينا اهو

جنة :- تعال شوف بنتك بقى انا تعبت

عيسى :- مالها رنوش تعالي يحبيبة بابا

شال طفلته بحب كبير و فضل يطبطب عليها فى نفس الوقت دخل مصطفى و حنين و كريم ، اتغدوا كلهم مع بعض فى وسط هزارهم و حبهم لبعض

حنين :- كريم حاسة اني بولد

كريم :- انتي لسه فى الخامس يحنين مش كل يوم هقول نفس الجملة

حنين :- قول انك زهقت مني بقى

كريم :- انا ازهق منك برضوا انا ما صدقت تبقي مراتي

حنين :- اثبت انا كدا

كريم :- طب بحبك

حنين:- و انا كمان

نور :- تعبك انهاردة

مصطفى:- لا خالص عارفة ياسين هيطلع دكتور اما يكبر لانه باين انه بيحب المهنة جدا

نور :- دا لسه صغير يمصطفى

مصطفى:- بيبان على الطفل من صغره يا نور المهم انتي وحشتيني اوي اوي

نور :- و انت كمان يحبيبى انا مبسوطة اوي عشان علاقتك ببابا و اخويا اتصلحت انا عارفه انك عملت كل دا عشاني

مصطفى:- عشان تبقي مبسوطة انا مستعد اعمل اي حاجه يا نور

نور :- مصطفى انا بحبك اوي

مصطفى:- وانا بعشقك يا قلب مصطفى

عيسى :- سكتت اهي الحمد لله

جنة :- يسبحان الله انت بتعملها ايه عشان تسكت كدا بجد انا بقالي ساعة مش عارفه اسكتها

عيسى :- زي ما كنت بعملك كدا هي طالعالك و انتي قدها كدا انا كنت بشيلك و اخدك فى حضني كنتي بتسكتي على طول و كانوا بيبقوا مستغربين برضوا

جنة :- حضنك كان مأمني و راحتي من ساعة ما كانت صغيرة لاخر عمري يعيسى

عيسى :- بجد يجنة

جنة :- و الله

عيسى :- مش عارف هحبك اكتر من كدا ايه

جنة :- لابعد الحدود يسيدة النائب

عيسى :- ربنا يباركلي فيكوا

وفي الخلفية كان واقف كامل و فريدة و عاصم بيبصولهم بسعادة و بيدعوا ربنا يسعدهم ديما و يفضلوا على طول مع بعض و مبسوطين.

 

تـمـت الحمد لله

 

خلصنا الرواية بتمنى تكون عاجبتكم و شكرا لكل اللي دعمها بتفاعل أو كلمة حلوه تخلينا نستمر

بحبكم فى الله 🦋🤎🤎🤎🤎🤎

قولولي عاجبتكم و لا لأ ☺️🤎🤎🤎🤎🤎🤎🤎🤎🤎🤎🤎